"Azərbaycanca danışmaq çətindir" - Yeni nazir müavini
7-12-2021, 23:35
731

"Azərbaycanca danışmaq çətindir" - Yeni nazir müavini

"Hələ 2008-ci ildə Azərbaycan Gimnastika Federasiyasının baş katibindən yığma komandanı Pekin Yay Olimpiya Oyunlarına hazırlamaq üçün dəvət almışdım. Bu, Azərbaycana ikinci səfərim idi. İlk səfərim 2007-ci ildə Bolqarıstan millisi ilə Bakıdakı Avropa çempionatına təsadüf etmişdi".
"Report" xəbər verir ki, bunu Azərbaycanın gənclər və idman nazirinin yeni təyin olunmuş müavini Mariana Vasileva Bolqarıstan Teleqraf Agentliyinə müsahibəsində deyib.
O, xaricdə işləmək üçün ilk dəvətlərdən imtina etdiyini xatırladıb: "Azərbaycanda qızlara bir həftəlik məşq keçdikdən sonra komandada qalmağa və onları olimpiadaya aparmağa çağırdılar. Lakin mən həmin vaxt imtina etdim. Bir neçə səbəbim var idi. Ən əsası isə bu idi ki, heç vaxt xaricdə işləməyə can atmırdım. Digər tərəfdən, həmin vaxt yetirmələrimdən ikisi Bolqarıstan millisinin heyətində İtaliyanın Turin şəhərində keçiriləcək Avropa çempionatına hazırlaşırdılar. Üstəlik, "Levski" klubunun gimnastları ilə işləyirdik. Bütün bunlara görə dəvətdən imtina etdim. Bir həftə sonra məlumat aldım ki, Azərbaycan yığması olimpiadaya Sofiyada hazırlaşmaq istəyir. Beləliklə, biz Gerena şəhərində çalışmalara başladım. Paralel şəkildə hər iki ölkənin yığması ilə işləyirdim. Avropa çempionatında güclü çıxış etdik. Azərbaycanın iki finalı oldu, olimpiadada isə çoxnövçülükdə finala yüksəldilər".
47 yaşlı nazir müavini sonradan dəvəti qəbul etməsinin səbəbini isə belə izah edib: "Daha sonra Azərbaycanın bütün milli komandaları ilə işləmək dəvəti gəldi. Üç aydan sonra razılaşdım və ailəmlə birgə Bakıya yollandım. Uyğunlaşma prosesi asan olmadı. İlk 3-4 ildə həmişə Bolqarıstana qayıtmaq istəyirdim. Amma elə anlar olur ki, başqa yerdə daha faydalı olduğunu anlayırsan".
Vasileva Azərbaycandakı həyatının dinamik olduğunu vurğulayıb: "İş, ev, ailə, dostlar, yarışlar və mübarizə. Vəziyyətə, yeni dəyişikliklərə tez uyğunlaşmalısınız. Pandemiyanın bizi tam başqa şəraitdə işləməyə məcbur etdiyini görə bilərsiniz. Azərbaycanda bolqarlar çoxdur. 2008-ci ildə buraya gələndə tez-tez Bakıda bütün bolqarların toplantılarını keçirirdik. Azərbaycan müxtəlif ölkələrdən, millətlərdən və müxtəlif dinlərdən olan mütəxəssislərdən istifadə edən ölkədir. Yaxşı haldır ki, dilindən, irqindən, dinindən asılı olmayaraq burada özünü azad hiss edirsən. Bolqarlar daha əvvəl çox idi, indi bir qədər azdır. Amma iqtisadiyyatın demək olar ki, bütün sahələrində və hər yerdə işləyirlər. İdmanda bolqar mütəxəssislər, hətta Azərbaycan üçün yarışan idmnançılar da var".
Nazir müavininin fikrincə, yeni vəzifəsi ona azərbaycanca öyrənməkdə yardımçı olacaq: "Azərbaycana gəlməmişdən əvvəl yalnız bolqarca danışırdım. Bu, təbii ki, təqdirəlayiq hal deyil. Amma indi cəsarətlə deyə bilərəm ki, rusca səlis danışıram. İngilis və azərbaycanca danışmaq çətindir. Bu dillərin qrammatikası çətindir, bolqar dili ilə heç əlaqəsi yoxdur. Əlifbanın biri latın, digəri kirildir. Amma düşünürəm ki, mənimlə bağlı hər şey yaxşıdır. Təbii ki, bu vəzifə indi mənə daha yaxşı danışmağa kömək edəcək. Çünki məşğul olmalı olduğum çoxlu sənədlər var. Söhbətlərin bir çoxu yalnız azərbaycanca olacaq".

Oxşar xəbərlər

Prezidentin nazir müavini təyin etdiyi bolqarıstanlı qadın kimdir? – DOSYE
Yeni gənclər və idman naziri kimdir? - DOSYE
Yeni təyin edilən nazir müavini bu işindən İSTEFA VERDİ
Dünya və Avropa çempionu YAP İdarə Heyətinə üzv seçildi
Federasiyanın rəsmisi Azad Rəhimovun yalanını üzə çıxardı
Azərbaycanda yeni nazir müavini erotik rəqsi ilə gündəm oldu — VİDEO
Daha bir idmançımız koronavirusa yoluxdu - FOTO
Boksçumuz Avropa çempionatında erməniyə qalib gəldi
Bolqarıstan parlamenti buraxıldı
Azərbaycan güləşinin kürəyi yerdə...
Yunanıstan parlamentində Azərbaycan müzakirəsi
Azərbaycanlı həkim Avropa çempionatının oyunlarına təyinat aldı
Klublararası dünya çempionatının keçiriləcəyi ölkə bilindi - Yeni formatda
Səbinə Əzimova Avropa birinciliyində bürünc qazandı
Eyvandan pul səpən cüdoçumuz yığmadan qovuldu
Fərid Qayıbov gənclər və idman naziri təyin edilib
“Qorbaçova dedim ki, bunun öhdəsindən gələ bilmərəm...” - Vəzirov
Operativ qərargah Bakıda keçiriləcək beynəlxalq yarışla bağlı qərar verdi
Azərbaycan cüdoçusu iki tarixi şansı qaçırdı
Milli Gimnastika Arenasında bədii gimnastika üzrə dünya çempionatının çoxnövçülük üzrə finalı davam edir
Bu gün daha 7 oyun keçiriləcək - Çempionlar Liqası
Millimizin sabiq baş məşqçisi vəfat etdi
İsveçrə dünya çempionatını təxirə salmaqdan imtina etdi
Azərbaycana yeni peyvənd gətiriləcək? - Nazir müavini AÇIQLADI
Güləş millimizdə şok - Olimpiadaya vəsiqə qazanan idmançımız zədələndi
Daha bir Avropa ölkəsi Türkiyəni dəstəklədiyini bəyan etdi
Azad Rəhimovun yerinə ONU GƏTİRİRLƏR... - İDDİA
Sahibə Qafarova: "Ermənistan bu gün də təxribatçı əməllərindən əl çəkmir"
Azərbaycan daha iki ölkədən quş əti idxalına məhdudiyyət qoydu
Yeni nazir bu vəzifəsində işini davam etdirəcək