FHN əhaliyə müraciət etdi
7-12-2021, 17:27
64

FHN əhaliyə müraciət etdi

Fövqəladə Hallar Nazirliyi (FHN) işğaldan azad olunmuş ərazilərdə müharibənin təhlükəli qalıqları ilə bağlı əhaliyə müraciət edib.
Müraciətdə deyilir:
"44 gün davam etmiş Vətən müharibəsi nəticəsində Müzəffər Ali Baş Komandan cənab İlham Əliyevin müdrik rəhbərliyi altında rəşadətli Azərbaycan Ordusu 30 ilə yaxın müddətdə işğal altında olmuş torpaqlarımızı azad etdikdən dərhal sonra mina və partlamamış hərbi sursatlarla yüksək dərəcədə çirklənmiş ərazilərin təmizlənməsi əməliyyatlarına başlanılıb. Bu əməliyyatlarda aidiyyəti dövlət qurumları ilə yanaşı Fövqəladə Hallar Nazirliyi də bilavasitə iştirak edir. Ötən müddət ərzində dövlət qurumlarının əlaqəli fəaliyyəti sayəsində böyük ərazi mina və partlamamış hərbi sursatlardan təmizlənib, bu ərazilərdə hal-hazırda yenidənqurma və quruculuq işləri sürətlə davam etdirilir. Həyata keçirilən tədbirlər həmin ərazilərin əsl sahibləri olan soydaşlarımızın öz dədə-baba torpaqlarına qayıdacağı günü daha da yaxınlaşdırır.
Bununla belə, hələ də işğaldan azad olunmuş ərazilərdə böyük həcmdə mina və partlamamış hərbi sursatlar qalmaqdadır və hazırda aidiyyəti dövlət strukturları, o cümlədən Fövqəladə Hallar Nazirliyi bu təhlükənin tam aradan qaldırılması istiqamətində əlaqəli şəkildə fəaliyyətlərini fasiləsiz olaraq davam etdirirlər. Bununla bağlı səbr, təmkin göstərən, hər şeydən vacib olan təhlükəsizlik məsələlərinə anlayışla yanaşaraq dövlətin müəyyən etdiyi qaydalara diqqət və hörmətlə yanaşaraq işğaldan azad olunmuş ərazilərə qeyri-qanuni səfərlərdən çəkinən hər bir vətəndaşımıza təşəkkür edirik.
Təəssüflə qeyd edirik ki, mina və partlamamış hərbi sursatlarla yanaşı, işğaldan azad olunmuş ərazilərdə mənfur düşmən tərəfindən kustar üsulla hazırlanmış çoxsaylı partlayış təhlükəli əşyalara da rast gəlinir. Belə ki, müxtəlif təyinatlı və fərqli əşyaların (məişət, təsərrüfat əşyaları, uşaq oyuncaqları və s.) içərisinə yerləşdirilmiş partlayıcı maddələr kiçik toxunuşla böyük faciələrə yol aça bilir. Bu tip əşyaların ən böyük təhlükəsi isə onların xarici görünüş baxımından aldadıcı olması, bir çox hallarda uşaqlar üçün cəlbedici və maraqlı görünməsidir. Müxtəlif meteroloji amillərin təsiri nəticəsində, o cümlədən lokal sel və daşqınların gətirməsi ilə belə əşyalara işğaldan azad olunmuş ərazilərə yaxın yaşayış məntəqələrinin ətrafında da rast gəlinir.
Qeyd olunanları nəzərə alaraq, Fövqəladə Hallar Nazirliyi işğaldan azad olunmuş ərazilərə yaxın yaşayış məntəqələrində yaşayan vətəndaşlarımıza müraciət edərək, rast gəlinən hər hansı yad, naməlum əşyaya toxunmadan dərhal Fövqəladə Hallar Nazirliyinin “112” və ya Daxili İşlər Nazirliyinin “102” qaynar telefon xəttinə məlumat verilməsini tövsiyə edir. Xüsusilə uşaqların nəzarətsiz qoyulmaması, göstərilən məsələlərlə bağlı onlarla ailə daxilində daim maarifləndirici söhbətlərin aparılması təhlükəsizliyin təmin olunmasına mühüm töhfədir".

Oxşar xəbərlər

Rusiya və Azərbaycan işğaldan azad olunmuş əraziləri minalardan təmizləyir - VİDEO
Ağdam şəhəri minalardan tam TƏMİZLƏNDİ
"Azad edilmiş ərazilərdə 48 mindən çox mina aşkarlanıb" - ANAMA rəhbəri
Azad olunmuş ərazilərdə aşkarlanan minaların sayı AÇIQLANDI
Xaçınçay su anbarı minalardan tam təmizləndi
Azad olunan ərazilərdə aşkarlanan minaların sayı açıqlandı
Qubadlının əkin sahələri minalardan tam TƏMİZLƏNDİ
Xudafərin ətrafında 2 ədəd partlamamış hərbi sursat aşkarlanıb - RƏSMİ
İran-Azərbaycan sərhədinin azad edilən hissəsində 38 mina AŞKARLANDI
Azad olunan ərazilərdə daha 177 mina AŞKARLANDI
Azad olunan ərazilərdə daha 63 mina AŞKARLANDI
Azad olunan ərazilərdə daha 113 mina AŞKARLANDI
Azad olunan ərazilərdə daha 137 mina aşkarlandı
Azad edilmiş ərazilərdə daha 30 mina AŞKARLANDI
DİN Qarabağa səfər etmək istəyənlərə müraciət etdi
Müharibədən sonra 117 km-dən çox yol minalardan təmizlənib
Azad edilmiş ərazilərdə aşkarlanan minaların sayı AÇIQLANDI
Azad olunan ərazilərdə aşkarlanan minaların sayı AÇIQLANDI
ANAMA mina təmizləmə işləri ilə bağlı MƏLUMAT YAYDI
Azad olunan ərazilərdə aşkarlanan minaların sayı AÇIQLANDI
Nazirlikdən azad edilmiş ərazilərlə bağlı əhaliyə MÜRACİƏT - VİDEO
Suqovuşan təmizlənir…
Qarabağda ötən həftə 100 mina aşkarlanıb
Ermənistanın Azərbaycana qarşı “mina müharibəsi” davam edir-Deputatdan AÇIQLAMA
İşğaldan azad edilmiş ərazilərdə daha 47 mina AŞKARLANDI
Azad olunan ərazilərdə daha 112 mina aşkarlandı
Cəbhəboyu ərazilərdə yüzlərlə mina və partlamamış hərbi sursat tapıldı
Ermənistanın məkrli planı: Minalanmış yerlərin xəritəsini gizlədir
Cəbhəboyu ərazilərdən son xəbər
Son həftədə azad edilmiş ərazilərdə 182 mina aşkarlanıb - RƏSMİ