Kişi həyat yoldaşını soyunduraraq həyətə düşürdü, işgəncə verdi - Azərbaycanda DƏHŞƏT
7-12-2021, 17:52
129

Kişi həyat yoldaşını soyunduraraq həyətə düşürdü, işgəncə verdi - Azərbaycanda DƏHŞƏT

Qəbələ rayonunda həyat yoldaşına dəhşətli işgəncələr vermiş rayonun ucqar kəndlərindən birinin sakini, 1974-cü il təvəllüdlü Dəmir Eyvazov barəsində Cinayət Məcəlləsinin 127.2.2-ci (qəsdən sağlamlığa az ağır zərər vurma - xüsusi amansızlıqla, o cümlədən zərərçəkənə ağır iztirablar verməklə törədildikdə) və 128-ci (qəsdən sağlamlığa yüngül zərər vurma) maddələri ilə açılmış cinayət işi üzrə məhkəmə prosesi başa çatıb.

News24.az-ın məlumatına görə, Qəbələ rayon Məhkəməsində hakim Elman İsayevin sədrliyi ilə keçirilən prosesdə D.Eyvazovun 1995-ci ildə ailə həyatı qurduğu və birgə nikahdan dörd övladının anası olan Xəyaləyə (şərti adlı) dəhşətli işgəncələr verməklə dəfələrlə xəsarətlər yetirdiyi məlum olub.

Həyat yoldaşının əlindən evdən meşəyə qaçan və daha sonra xəstəxanaya yerləşdirilən qadının artıq ərindən rəsmi qaydada boşandığı da müəyyənləşib.

Məhkəmədə D.Eyvazov həyat yoldaşını həqiqətən dəfələrlə döydüyünü etiraf etsə də, xanımının onu söyüb təhqir etdiyinə görə bu əməlləri törətdiyini deyib. Ekspertiza rəylərindən isə D.Eyvazovun həyat yoldaşının bədəninin müxtəlif nahiyələrini qızdırılmış dəmir parçası ilə bir neçə dəfə yandırdığı, hətta qaynar metalla həyat yoldaşının cinsiyyət orqanını da yandırması məlum olub. Məhkəmədə ifadə verən zərərçəkmiş şəxs deyib:

"Aramızda baş verən ailədaxili münaqişələr üzündən keçmiş ərim Dəmirlə 2020-ci ilin dekabrında Qəbələ rayon Məhkəməsinin qərarı ilə boşanmışam. Onunla 1995-ci ildə rəsmi nikaha daxil olub ailə qurmuşam. Birgə nikahdan dörd övladımız olub. Ailə qurduqdan boşanan müddətə kimi uşaqlarla birlikdə Dəmirə məxsus Qəbələ rayonundakı evdə yaşamışıq. Ailə qurduqdan sonra aramızda tez-tez ailədaxili münaqişələr olub və mütəmadi olaraq yoldaşım tərəfindən döyülmüşəm, işgəncələrə məruz qalmışam.

Buna əsas səbəb Dəmirin üçüncü övladımız - Nigarı (ad şərtidir) bacımın ərinin himayəyə götürmək istəməsi olub. O, Nigarı öz övladı kimi istəmirdi və məndən dəfələrlə doğma qızımızı öldürməyi tələb edirdi. Onun tələbinə əməl etmədiyim üçün məni dəfələrlə döyüb, əzab, işgəncə verib. 2018-ci ilin yazında, eləcə də, həmin il yayın sonunda kənddəki evdə Dəmir ilə aramızda daha bir ailədaxili münaqişə baş verdi. O, bədənimin müxtəlif nahiyələrini alovla yandırmaqla, qaynar su tökməklə və qızdırılmış metal əşya basmaqla mənə xəsarətlər yetirdi. Lakin Dəmirin qorxusundan eləcə də, uşaqların xatirinə Dəmirdən aidiyyəti orqanlara şikayət etməmişəm. 2018-ci il tarixində boşanıb ayrılmaq üçün Qəbələ rayon Məhkəməsinə boşanma haqda ərizə ilə müraciət etmişəm. Lakin yenə də, uşaqları nəzərə alaraq ailəmizin dağılmaması üçün onunla barışdım, boşanmaqdan imtina etdim, yenidən birlikdə yaşamağa qərar verdim.

Sonuncu dəfə 13 oktyabr 2019-cu il tarixində saat 23 radələrində Dəmir yenidən ailə münaqişəsi yaratdı, məndən qızımız Nigarı öldürməyimi tələb etdi, yaşca böyük qızımızın ərə getməsi üçün mütləq Nigarın ölməli olduğunu bildirdi.

Lakin buna etiraz edərək qızımı öldürə bilməyəcəyimi dediyim üçün Dəmir əvvəllər olduğu kimi, yenə də məni həyətə düşürüb lüt soyunduraraq stulda otuzdurdu. Əl-qolumu dəmir trosla və ip ilə bağladı, dəmiri qızdırıb qoluma, ayaqlarıma və cinsiyyət orqanıma vurub yandırdı. Eləcə də, bədənimə vedrə ilə soyuq su tökdü.

Bundan sonra mənə vedrəyə soyuq su doldurtduraraq yanıma qoydu ki, yatıb durduqdan sonra həmin suyu bədənimə töküm. Mən həmin gecə o yatdıqdan sonra xəlvəti evdən çıxaraq kəndin meşəliyi ilə Qəbələ Rayon Mərkəzi Xəstəxanasına gəldim, təxminən beş gün həkimlər tərəfindən müalicə aldım. Dəmirdən şikayətçiyəm və ona ən ağır cəza tədbiq edilməsini məhkəmədən xahiş edirəm".

Məhkəmədə ifadə verən ailənin böyük qızı atasının anasına dəhşətli işgəncələr verdiyini, ailədə daim dava-dalaş saldığını, anasını hətta lüt soyunduraraq həyətdə stula bağladığını və qızdırılmış dəmirlə bədənini yandırdığını bildirib.

Digər şahidlər də D.Eyvazovun törətdiyi əməllər barəsində danışıblar.

Qəbələ rayon Məhkəməsi Dəmir Eyvazovun 3 il 6 ay müddətinə azadlıqdan məhrum edilməsinə qərar verib.

Oxşar xəbərlər

Prokurorluq keçmiş arvadını öldürən şəxslə bağlı MƏLUMAT YAYDI
AXCP üzvünə hökm oxundu –Məhkəmə
Ağsuda FACİƏ - 16 yaşlı oğlanın döydüyü yeniyetmə ÖLDÜ
“Azərtoxum” MMC-nin direktorunun bıçaqlanması işi üzrə məhkəmə başlayır
Bakıda ərini öldürən qadın peşman olmadığını dedi
Ağsuda 14 yaşlı yeniyetmənin ölümü ilə bağlı rəsmi açıqlama (FOTO)
Xızıdakı insidentlə bağlı cinayət işi BAŞLANILDI
Sumqayıtda idmançını qətlə yetirən ata və oğluna HÖKM OXUNDU
Bakıda ərini öldürən qadına ağır cəza verildi
Bakıda marketin qarşısında döyülən şəxs 21 gün sonra ÖLDÜ
Ucarda dəhşət: Ər arvadını bıçaqladı
Kişi müəllim arvadına dəhşət yaşatdı — Ağdaşda ŞOK OLAY
Cəlilabadda həyat yoldaşını bıçaqlayan şəxs həbs edildi
Bakıda gənc oğlan atasını bıçaqlayıb
Bakıda 30 yaşlı kişi bıçaqlanıb
Bakıda DƏHŞƏT: Bacısına 10 bıçaq zərbəsi vurub ÖLDÜRDÜ
Azərbaycanda 9 aylıq hamilə qadını intihara sövq edən DƏHŞƏTLİ FAKTLAR - VİDEO
Bakı sakini tanışı tərəfindən bıçaqlandı
Məhkəmə qarşısında arvadının başını kəsən şəxs müəllim imiş... - Dəhşətli qətlin TƏFƏRRÜATI
Gürcüstanda azərbaycanlı kişi həyat yoldaşını qətlə yetirib
Hamilə arvadını amansızlıqla qətlə yetirən şəxsin məhkəməsi başladı
Azərbaycanda kişi ondan boşanmaq istəyən arvadını öldürdü
Dəhşət: Boşanmaq istəyən həyat yoldaşını qəssab bıçağıyla doğradı
Azərbaycanda dəhşətli hadisə: Kişi məhkəmənin qarşısında arvadının başını kəsdi
Bakıda həyat yoldaşını döyən kişiyə cinayət işi açıldı
Kişi həyat yoldaşını 104 dəfə bıçaqladı - VİDEO
Neftçalada qardaşını öldürən şəxslə bağlı RƏSMİ AÇIQLAMA
Bakıda DƏHŞƏT: Uşağın boğazını kəsib, şəklini anasına göndərdilər
Gəncədə ər 30 yaşlı həyat yoldaşını döydü vəziyyəti ağırdır
Oğlunun gözü qarşısında anasını BIÇAQLADI