“Ramiz Mehdiyev partiyaya necə gəldi heç bilmədik” – Maksim Musayev sirləri açır...
27-08-2020, 11:48
394

“Ramiz Mehdiyev partiyaya necə gəldi heç bilmədik” – Maksim Musayev sirləri açır...

Ramiz Mehdiyev məni məhkəməyə verməsə, o zaman mən qanuni hüquqlarımdan istifadə edərək məhkəməyə müraciət edəcəm”.
Bu sözləri Yenisabah.az-a hakim Yeni Azərbaycan Partiyasının (YAP) qurucularından sayılan Maksim Musayev deyib. Qocaman YAP-çı Azərbaycan Milli Elmlər Akademiyasının prezidenti, akademik Ramiz Mehdiyevin onu məhkəmə ilə hədələməsini anlaşılmaz addım hesab edir.
“Mən başa düşmürəm bu niyə belə edir? Mən həqiqəti demişəm, amma o məni məhkəməyə verəcəyi ilə hədələyir. Üç gün vaxt vermişəm, buyursun məhkəməyə müraciət etsin. Səbrsizliklə gözləyirəm”, - deyə Maksim Musayev vurğulayıb.
O əlavə edib ki, Ramiz Mehdiyev onu məhkəməyə verəcəyi təqdirdə maraqlı açıqlamaları olacaq. “Amma mən düşünürəm ki, o sadəcə boş hay-küy salır. O boş boçkaları dığırladanda necə gurultulu səs edirsə, bu da o cürdür. Sadəcə guya camaatı imtahan edir”, - deyə qocaman YAP-çı əlavə edib.
Maksim Musayev AMEA prezidentinin özünü mərhum dövlət başçısı Heydər Əliyevin silahdaşı kimi təqdim etməsinə də münasibət bildirib: “Biz o vaxt partiya yaradanda bu adam ortada yox idi. Mən o dövrlərdən danışıram ki, onda hələ yaradacağımız partiyanın adı belə müəyyənləşməmişdi. Eləcə Heydər Əliyevin partiyası deyirdik.
Bax həmin vaxt bu Ramiz Mehdiyev partiyaya qoşulmadı, əksinə onun yaranmasına altda-altdan mane olmağa çalışdı. Ümumiyyətlə, o, həmişə altdan-altdan işini görüb. Mənə həmin vaxt bir hörmətli şəxs zəng vurdu. Adını çəkməyəcəm. Dedi get Ramiz Mehdyevlə görüş, ona de ki, partiyanın yaranmasına mane olmasın, aləmi qarışdırmasın, əksinə təşkilata gəlsin. Mən onunla Şəhidlər Xiyabanı tərəfdə görüşdüm. Bir az da qorxaq adamdır, tez-tez ora-bura baxırdı. Dedim ki, qorxma. Nə isə mənə deyilənləri ona çatdırdım, amma nə qədər elədimsə, partiyaya qoşulmaqdan imtina etdi. Bir ay keçdi yenə zəng vurub dedilər ki, get onu başa sal. Beləliklə, mən onunla iki dəfə görüşdüm, amma razı sala bilmədim.
Sonra necə gəldi pariyaya heç bilmədik. Təsəvvür edin, YAP-ın ilk Siyasi Şurasının 51 nəfər üzvü olub. 90-cu illərin sonuna qədər həmin heyət qalıb. Sonra Ramiz Mehdiyev yeni siyahı təqdim etdi. İndi baxıram Siyasi Şuranın 80 nəfər üzvü var. Bu 80 nəfərin çoxu vaxtilə bizim əleyhimizə işləyənlərdi. Açıq-açığına bizimlə mübarizə aparırdılar. Adlarını çəkmək istəmirəm, çünki hazırda onlar çox böyük vəzifələr tutublar, çox böyük var-dövlət sahibidirlər. Eyni zamanda baxıram indiki Siyasi Şuranın üzvləri arasında qohumlar da var. Bunun hamısının siyahısını tutan Ramiz Mehdiyev olub.
Ramiz Mehdiyevin özü də Siyasi Şuranın üzv idi. Buna sual vermək lazımdır ki, bəs biz partiyanı yaradanda sən harada idin?”

Oxşar xəbərlər

“Ramiz Mehdiyev özü partiya yaratmaq istəyirdi” - sensasion müsahibə
Mehdiyev müxalifətə keçsə, nə baş verəcək? – Arif Hacılının baxışı
Ramiz Mehdiyev dözmədi və Zaur Qəriboğlunu məhkəməyə verdi
Ramiz Mehdiyev ölübmü? - AMEA-dan AÇIQLAMA
Ramiz Mehdiyev Elşad Abdullayevi niyə deputat seçdirmək istəyirdi?
Ağsaqqal niyə cəzalandırılmır? - Açıqlama
Ramiz Mehdiyevlə Zeynəb Xanlarova arasında nə baş vermişdi?
“Ramiz Mehdiyev dövlətə meydan oxuyursa ...” - Abid Şərifov
“Rasim Məmmədov Ramiz Mehdiyevin sifarişi ilə bizi məhkəməyə verib”
“Razvetçik” minanı partlatdı: Mehdiyev Təhlükəsizlik Şurasından uzaqlaşdırılacaq?
“Dövlət strukturlarına Rusiyanın kəşfiyyat orqanlarına bağlı adamları Ramiz Mehdiyev yerləşdirib”
Ramiz Mehdiyevin nəvəsinin qalmaqallı toyundan yeni görüntülər yayıldı - Video
Əli Kərimli Ramiz Mehdiyevə işləyib – ŞOK açıqlama
“Necə getməyim toya, axı mən kişiyəm” – Siyavuş Novruzov
İsa Həbibbəyli açıqlama yaydı
Ramiz Mehdiyevin nəvəsinin toyunda Ombudsman qol götürüb oynadı - Video
Gülçöhrə Məmmədova toyda olmayıb – Açıqlama
Salyanda pambıq zavodunun həyətində Rəsulzadənin heykəlinin qapalı qalmasına Ramiz Mehdiyev səbəb olub- İttiham...
Siyavuş Novruzovdan başqa hansı deputat Ramiz Mehdiyevin toyunda iştirak edib?
Ramiz Mehdiyev də karantin qaydalarını pozub nəvəsinə toy etdi - Video,Foto
"Əli İnsanov dedi ki, bu işlərin başında Ramiz Mehdiyev dayanır" - 15 ilin sirri
Ramiz Mehdiyev maral buynuzu ilə bu xəstəliklərini aradan qaldırırmış - İDDİA
Şəhidin "qan pulu"na görə 8 qardaş və bacı üz-üzə gəldi: hamısı öz payını istəyir
Elmlər Akademiyasının qarşısında aksiya keçiriləcək - Mehdiyevin istefası və həbsi tələb olunacaq
Sabir Rüstəmxanlı Ramiz Mehdiyevin toy qalmaqalı haqda
“Məni də yaxşı tanıyırlar, Gülər Əhmədovanı da...” - QALMAQAL
“Ramiz Mehdiyevin tayfası və mənim nəslim-tayfam...” – Kürəkəndən tost
“Bəlkə də Əli İnsanovla Ramiz Mehdiyev artıq bir yerdədir”
Əli Abbasov işdən çıxarıldı
AMEA əməkdaşlarının bir hissəsi işə çıxacaq – SƏRƏNCAM