Şəkidə iki avtomobil toqquşub, xəsarət alanlar var

Şəkidə 4 nəfərin xəsarət alması ilə nəticələnən yol-nəqliyyat hadisəsi baş verib.
"Report"un Şimal-qərb bürosunun məlumatına görə, hadisə şəhərin Bəxtiyar Vahabzadə küçəsində qeydə alınıb.
"Nissan" və "Tofaş" markalı avtomobillərin toqquşması nəticəsində "Tofaş"da olan dörd nəfər xəsarət alıb. Yaralılar Şəki Rayon Mərkəzi Xəstəxanasına çatdırılıblar.
Faktla bağlı araşdırma aparılır.