Xəbər verdiyimiz kimi, bu gün Prezident İlham Əliyevin sərəncamı ilə Abşeron Rayon İcra Hakimiyyətinin başçısı İradə Gülmməmədova vəzifəsindən azad edilib.
"Unikal" işdən çıxarılan İ.Gülmməmədovanın əmlaklarının siyahısını əldə edib:
Varovski qəsəbəsində “Vimay - Med” klinikası, “Af - Gen” klinikası;
Binəqədi rayonu, Varovski qəsəbəsində 4 mərtəbəli villa və "Zümrüd" uşaq bağçası;
Binəqədi rayonu, 9-cu mikrorayonda Zeytunluq adlanan ərazisində 20 sot torpaqda üçmərtəbəli villa; Qeyd edək ki, Zeytunluq adlanan ərazidə 1 sot torpağın qiyməti 150 min manat dəyərindədir. Villanın tikintisi isə 1 milyon manata başa gəlib.
Quba rayonu, Qəçreş kəndində 20 sot torpaqda villası;
Görədil və Masazır qəsəbələrində villası;
Elmlər Akademiyası metrostansiyasının yaxınlığında yerləşən 200 kvadratmetrlik mənzil, həmçinin Nərimanov rayonunda Heydər Əliyev Mərkəzinin yaxınlığında 2 mənzil;
Bakı şəhərində apteklər şəbəkəsi;
Saray və Fatmayı qəsəbələrində hektarlarla torpaq sahəsi;
Qeyd edək ki, İ.Gülməmmədova qanunsuz topladığı vəsaitləri həyat yoldaşının köməyi ilə Gürcüstana keçirib.