Artıq şadlıq saraylarında bu tarixlərə yerlər bron edilir - Toylar başlayır?
7-09-2020, 14:24
118

Artıq şadlıq saraylarında bu tarixlərə yerlər bron edilir - Toylar başlayır?

Ölkəmizdə COVİD- 19 epidemiyasına ilk yoluxma faktı aşkar olunduğu müddətdən 6 ay keçir. O vaxtdan bəri toylarla bağlı qadağa qüvvədən hələ də düşməyib.

Karantin illərdir övladının toyunu gözləyən valideynlərin, sevdiyi insana qovuşmaq üçün gün sayan şəxslərin hələ də arzusunu ürəyində qoyur. Lakin Azərbaycanda yoluxma sayının xeyli aşağı düşməsi bu qəbildən olan insanların ümidlənməsinə səbəb olub. Bunu paytaxtın bir neçə şadlıq evləri arasında apardığımız sorğu zamanı da öyrəndik. Bəli, yoluxma sayının aşağı düşməyindən ürəklənib yer bron edənlər var.
Milli.Az şadlıq evləri arasında apardığı sorğunu təqdim edir:
"Arena" ş/s-nın administratoru açıqlamasında şadlıq evinin qapısını bağlayıb, evdə oturub, Operativ Qərargahdan xoş xəbər gözlədiklərini bildirib. Administrator toy etmək istəyənlərdən yer bron etmək üçün onlara müraciət edənin olmadığını da sözlərinə əlavə edib.

"Şahənşah" ş/s-nın administartoru Zaur Abdullayev isə, hələ ki, bron üçün onlara müraciət edənin olmadığını bildirib: "Toy yazdırmaq istəyənlər artıq, ümumiyyətlə, yoxdur. Sadəcə olaraq, köhnə toy sahibləridir ki, maraqlanırlar. Dörd, beş dəfə bəlkə toy tarixlərini dəyişiblər. Mart, aprel ayından qalan toylardır. Onlar da çox narahatdırlar. Çünki eləsi var ki, 4 il, 5 ildir nişanlı idi, gözləyirdi mart ayında toyun edə, bu da gəldi belə oldu. Yenilər yoxdur, sadəcə olaraq, maraqlananlar var. Soruşurlar ki, necədi vəziyyət, biz də cavab veririk ki, hamı kimi biz də oturub Operativ Qərargahın qərarını gözləyirik ki, bəlkə bir xəbər verəcək ki, başlayın. Çünki bizim başlamağımız üçün ən azından bir ay qabaq lazımdır ki, biz işə çıxa bilək və həmin vaxta qədər heç olmasa müştəriləri yerbəyer edə bilək. Bu gün qərar verilsin, mən bu gün toy edə bilmərəm ki?! Bunun dəvətnamə paylanmağı var, adamsayı çıxartmaq məsələsi var, işçilərimizi yenidən bir araya toplamaq var. Birdən-birə bu mümkün deyil. Ən azından heç olmasa, inzibati işçilərimiz bir ay qabaqcadan gəlib orada oturmağı, müştərini qəbul etməyi bir aydan sonra və yaxud 20 gündən sonra toy olacaq, ona hazırlıq görməyimiz lazımdır. Hazırda işə çıxmırıq biz, bağlamışıq oranı oturmuşuq. Pandemiyadır da, neynəyəsən?!"

"Aysun" ş/s-nın administratoru Pərvin bəy:
"Bizə yaxınlaşıb yer bron etmək istəyənlər var. Oktyabr, noyabr aylarına artıq yer bron edirlər, beh verirlər. Ümid yeri o baxımdan çoxdur. Həm də ondan əlavə iyun, iyul, avqust aylarına yazılmış toylar ki, o toylar da hələ qalır yerində. Onlar da günlərini artıq oktyabr, noyabr, dekabr aylarına dəyişdirirlər.
"Xan bağı" ş/s administratoru Vaqif bəy isə gəlib-gedənin olduğunu, lakin risk edib bron edənin hələ olmadığını bildirib:
"Axır 2-3 aydır heç kim gəlib-getmir. Gələndə də deyirlər filan günü istəyirəm, deyirəm həmin günlər "zanit"dir. Yəni, olacağı gözlənilən toylar ki var idi, onların günü dəyişdirilib. Bu il toy etmək istəyənlər toylarının tarixini daha çox noyabrın 1-dən sonraya dəyişiblər əsasən. Oktyabrda da toy etmək istəyənlər var. Amma gəlib-gedən var, fikirləşən var. Əvvəlki kimi axın deyil, ara-sıra gələn var. Baxırlar, gedirlər, fikirləşirlər, amma beh verib, bron edən, hələ ki, yoxdur.

Oxşar xəbərlər

“Camaatın ailəsi dağılır”, “Rəhmətə gedən oldu, toy qaldı”, “100 ofisiant işsiz qalıb”
İyun ayına şadlıq evlərində boş yer yoxdur - VİDEO
Karantin rejimi yenidən sərtləşdirilə bilər - YOLUXMA ARTIR...
Şadlıq sarayları açılsın! - Deputatdan təklif
Azərbaycanda koronavirusa yoluxma sayı azaldı - Ölən yoxdur
"Biz rusuq ki, 50 nəfərlik toy keçirək?"
Azərbaycanda toylar bu tarixdə başlaya bilər - Məsələ qaldırılıb
Azərbaycanda koronavirusa yeni yoluxma aşkarlanıb, sağalanlar və vəfat edənlər var
“Metronu, təhsil müəssisələrini, ticarət mərkəzlərini açmaq olmaz”
"Bir qrup mafiozun əlində qalmışıq"
Azərbaycanda daha 161 nəfər COVID-19-a yoluxub, 146 nəfər sağalıb, 2 nəfər vəfat edib
Azərbaycanda 336 nəfərdə koronavirus aşkarlandı, 5 nəfər öldü, 183 nəfər xəstə sağaldı
“Elə vəziyyət yaranar ki, səhiyyə sistemi də bu yükü daşıya bilməz” - Nəticə çıxarmalıyıq!
Azərbaycanda gündəlik koronavirusa yoluxma sayı azaldı - Ölənlər var
Regionlarda karantin təkrar sərtləşdirilir?
Azərbaycanda və dünyada yoluxma niyə artır? - SƏBƏB TAPILDI
Bakıda koronavirusa yoluxmanın ən çox olduğu rayon açıqlandı
Azərbaycanda koronavirusa yoluxanların sayı artır - ölən də var
Azərbaycanda gündəlik koronavirusa yoluxma sayı azaldı - Ölən var
Şadlıq evi cinayət yerinə döndü: Bəyin boğazı kəsilərək öldürüldü, anası bıçaqlandı
Azərbaycanda daha 2 nəfər koronavirusdan öldü - Statistika
Bölgələrdə və Bakıda insanların çölə çıxmasına 2 günlük qadağa qoyulur?
Azərbaycanda koronavirusa yoluxan və ölənlərin bölgələr üzrə SON STATİSTİKASI - CƏDVƏL
Son 3 gündə Cəlilabadda koronavirusa yoluxma qeydə alınmayıb
Karantin dövründə Azərbaycanda evlənənlərin və boşananların sayı açıqlandı
Nazirlər Kabineti rəsmisi həyəcan təbili çalır: “Yoluxma yenidən artır”
Dünyada koronavirusa yoluxanların sayı 26 milyonu keçdi - STATİSTİKA
262 nəfərdə COVID-19 aşkarlandı, 2 nəfər vəfat etdi
Deputatdan təklif: “Mall”lar və şadlıq sarayları bu tarixlərdən açılmalıdır
“Göz karandaşı və dodaq boyası koronaya yoluxdurur” - XƏBƏRDARLIQ