Rayonlara gediş-gəliş açıldı; daha hansı qadağalar götürülə bilər - açıqlama
8-09-2020, 10:35
193

Rayonlara gediş-gəliş açıldı; daha hansı qadağalar götürülə bilər - açıqlama

Sentyabrın 8-dən ölkədə karantin rejimi ilə bağlı bir sıra məhdudiyyətlər də aradan qalxır. Belə ki, restoranlara daxildə xidmət göstərilməsinə icazə verilir. 

Həmçinin restoranlar gecə saat 00:00-a qədər fəaliyyət göstərə biləcək. Bakı, Sumqayıt şəhərləri və Abşeron rayonuna gediş-gəlişlə əlaqədar tətbiq olunmuş məhdudiyyət də aradan qalxır. Lakin avtobus və qatar ilə şəhərlərarası sərnişin daşımaya tətbiq edilən qadağa hələ də qüvvədədir. Yəni vətəndaşlar yalnız  şəxsi avtomobilləri ilə bölgələrə gedib-gələ biləcəklər.

Növbəti yumşaldılma mərhələsində iri ticarət mərkəzlərinin fəaliyyətinə icazə verilə bilərmi?

O da məlumdur ki, karantin rejimi qaydaları yumşaldıqca koronavirusa yoluxma sayı da artır. Bəs son məhdudiyyətlər paralel yoluxma sayını nə dərəcədə artıra bilər? Aidiyyəti qurumlar bu məsələ ilə bağlı hansı önləyici tədbirləri nəzərdə tutub?

Vasif Əliyev: “İri ticarət mərkəzləri o zaman açıla bilər ki... ”

Tibbi Ərazi Bölmələrini İdarəetmə Birliyinin (TƏBİB) Yoluxucu xəstəliklər üzrə İşçi Qrupunun rəhbəri, infeksionist Vasif Əliyev bu və digər suallarla bağlı “Yeni Müsavat”a danışıb. O deyib ki, karantin rejiminin yumşalması ilə əlaqədar yoluxma sayı arta bilər: 

“Çünki istər-istəməz insan faktoru var və deməli, risk də var.  Bu səbəbdən hər zaman vətəndaşlara bildiririk ki, sosial məsafə saxlamağı, maska taxmağı, gigiyenik qaydalara əməl etməyi unutmasınlar. Əks halda, yoluxma sayı artarsa, təbii olaraq  təkrar karantin rejimini sərtləşdirmək qərarına yenidən baxıla bilər.

Məlum olduğu kimi, yumşaldılmalara baxmayaraq, həssas dönəm keçiririk, bu baxımdan insanlar daha diqqətli olmalıdırlar. Çünki digər ölkələrdə də təcrübə onu göstərdi ki, yumşaldılmalardan sonra yoluxma sayında artma müşahidə edilir. Bunun səbəblərindən biri karantin rejiminin yumşaldılmasından sonra insanların arxayın, rahat davranışları ilə bağlı ola bilər. Bəzi insanlar “karantin rejimi yumşaldısa, deməli, koronavirus da yoxdur” deyə düşünürlər ki, bu da səhv fikirdir. Nəinki ölkəmizdə, bütün dünyada hələ də koronavirusa yoluxma halları davam etdiyi üçün biz hər zaman risk altındayıq.

Beləliklə, yumşaldılmalar dövründə qayda-qanuna əməl etmə faizi daha da yüksək olmalı, insanlar daha məsuliyyətli davranmalıdırlar".

“Növbəti mərhələdə iri ticarət mərkəzlərinin də fəaliyyətinə icazə verilə bilərmi?” sualımıza TƏBİB rəsmisi bu cür cavab verdi:

“Təbii ki, zamanla məhdudiyyətlərin aradan qaldırılması düşünülür. Əlbəttə, heç kim bu məhdudiyyətlərin davamlı olmasını istəmir. Sadəcə, qeyd olunan məhdudiyyətlər anidən qaldırıla bilməz. Gördüyünüz kimi, yumşaldılma qərarları sadə məhdudiyyətlərdən mürəkkəb məhdudiyyətlərə doğru verilir.

Qeyd olunan böyük ticarət mərkəzləri insanların daha sıx olduğu məkanlardır. Əgər hazırkı yumşaldılma qərarlarından sonra yoluxma sayı stabil qalarsa, vəziyyət nəzarətimiz altında olarsa, təbii ki, monitorinq aparılaraq, bu qadağanın da aradan qaldırılmasına qərar verilə bilər.

Beləliklə, bu qərar yumşaldıma qərarlarından sonra yoluxma riskinin ani yüksəlməyə keçməməsindən,  insanların qayda-qanunlara necə riayət etməsindən asılıdır".

Adil Qeybulla: “ÜST-in son açıqlamaları göstərdi ki, sərt karantin tədbirləri o qədər də effektli deyil”

Tibb elmləri doktoru, professor Adil Qeybullanın sözlərinə görə isə Ümumdünya Səhiyyə Təşkilatının (ÜST) son açıqlamaları, rəyləri də onu göstərdi ki, sərt karantin tədbirləri o qədər də effektli deyil: “Onun özü əlavə problemlər yaradır, o cümlədən iqtisadiyyata, sosial həyata, münasibətlər sisteminə və sairə. Ona görə də sosial məsafə saxlamaq, maska taxmaq, gigiyenik qaydalara ciddi əməl etməklə insanlar bu virusla yaşamağa öyrəşməlidirlər. Bu baxımdan həkim heyəti olaraq dəfələrlə qeyd etmişik ki, sərt karantin rejimi aradan qalxmalı, qaydalara riayət etməklə rayonlara gediş-gəliş açılmalı, məktəblər fəaliyyətə başlamalıdır. Obyektlərdə karantin qaydalarına əməl olunması həmin məkanların sahiblərinin üzərinə qoyulmalıdır. Bütün bunlarla bağlı Operativ Qərargahın təlimatları olmalıdır”.

Oxşar xəbərlər

 Azərbaycanda karantin rejimi yumşaldılır - HANSI QADAĞALAR GÖTÜRÜLDÜ?
Sabahdan Bakının girişindəki postlar yığışdırılır - Rəsmi açıqlama
Rayon yollarındakı postlar ləğv olunur - VİDEO
Rayonlara gediş-gəliş bərpa edilir? - AÇIQLAMA
Gələn həftə rayonlara gediş-gəliş bərpa oluna bilər - AÇIQLAMA
Rayonlara gediş-gəliş və “mall”ların fəaliyyəti bərpa edilir? - AÇIQLAMA
Diqqət: Sabahdan rayonlara gediş-gəliş bərpa olunur
Bakıdan rayonlara gediş-gəlişlə bağlı VACİB XƏBƏR - Hələ 5-6 ay...
Azərbaycanda karantin rejimi bu tarixədək UZADILDI - RƏSMİ
Bu tarixdə iri ticarət mərkəzləri açıla bilər - AÇIQLAMA
Gələn həftə rayonlara gediş-gəliş bərpa edilə bilər - AÇIQLAMA
Bu qadağa da aradan qaldırıldı
Rayonlara gediş-gəliş açılırmı?
Bakıdan rayonlara gediş-gəlişə yalnız iki halda icazə veriləcək - RƏSMİ
Sərt karantin günlərində apteklər hansı hallarda fəaliyyət göstərə biləcək?
Rayonlara gediş-gəlişlə bağlı deputatdan açıqlama: ““Kimliyindən asılı olmayaraq...”
Rayonlara gediş-gəlişlə bağlı açıqlama
Azərbaycanda bu qadağalar LƏĞV EDİLİR: rayonlara gediş-gəliş... — SİYAHI
Karantin rejimi sentyabrın 1-dən ləğv edilir? (VİDEO)
Karantin rejimi yenidən sərtləşdirilə bilər - YOLUXMA ARTIR...
Rayonlarda da həftə sonu sərt karantin rejimi tətbiq ediləcək?
Kamran Əliyev: “Rayonlara yalnız taksi ilə gedib-gəlmək mümkündür”
Azərbaycanda xüsusi karantin rejimi gücləndirildi - Bu gündən...
Gürcüstanda avtomobillərin hərəkətinə qoyulan qadağa götürülüb, aqrar bazarlar açılıb
Bakı qeydiyyatında olan şəxslər rayondan necə gələ biləcək? - AÇIQLAMA
Sentyabrın 1-dən "mall"lar açılır - Açıqlama
İri ticarət mərkəzlərinin açılması ilə bağlı hələ qərar yoxdur
Rayonlara gediş-gəlişlə bağlı rəsmi açıqlama
Restoranlar açılır, dərslər başlayır - Karantin rejimini yumşaldan ÖLKƏLƏR
“Sədərək” və “Binə” açılır? - Deputatdan açıqlama