Bildiyimiz kimi, 22 fevral 2022-ci il tarixində Azərbaycan Respublikası Prezidenti İlham Əliyevin Rusiya Federasiyasına rəsmi səfəri çərçivəsində Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin tərəfindən "Rusiya Federasiyası və Azərbaycan Respublikası arasında müttəfiqlik qarşılıqlı fəaliyyəti haqqında Bəyannamə" imzalanıb.
Milli Məclisin deputatı, siyasi elmlər doktoru, professor Elman Nəsirov Sonxeber.az-a müsahibəsində bu mövzuya toxunaraq Bəyənnamənin müsbət cəhətlərini açıqlayıb.
O xatırladıb ki, hər şeydən öncə, biz 1997-ci ilin 3 iyul tarixində "Dostluq, əməkdaşlıq və qarşılıqlı təhlükəsizlik haqqında" müqavilə imzalamışıq və daha öncə də strateji tərəfdaş olmuşuq, lakin müttəfiqlik bu münasibətlərin zirvəsidir.
Elman Nəsirov, həmçinin, hərbi-texniki əməkdaşlıq məsələsinə toxunaraq vurğulayıb ki, Qarabağ münaqişəsinin tənzimləməsində Rusiya neytral mövqe nümayiş etdirdi və Paşinyanın yardım almaq üçün etdiyi bütün cəhdləri nəticəsiz qaldı.
Deputatın cavabını daha ətraflı öyrənmək üçün aşağıdakı videonu izləyə bilərsiniz: