"Bakı Metropoliteni" Rusiya istehsalı olan daha 2 yeni qatarı xəttə buraxıb
14-09-2020, 12:12
202

"Bakı Metropoliteni" Rusiya istehsalı olan daha 2 yeni qatarı xəttə buraxıb

İyun ayında Rusiyadan Bakıya gətirilmiş daha iki müasir tipli qatarın “Nərimanov” elektrik deposunda sazlanması, tənzimlənməsi və sınaqları başa çatdırılaraq xəttə buraxılıb.
Bu barədə "Report"a "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib.
B.Məmmədovun sözlərinə görə, "Transmaşholdinq" Səhmdar Cəmiyyətinin tərkibinə daxil olan "Metrovaqonmaş” müəssisəsinin istehsalı olan 81-765.B/766.B seriyalı hərəkət tərkibləri Yaşıl xətt üzrə hərəkət edəcək.
Qeyd edək ki, 2019-cu ilin oktyabr ayında "Metrovaqonmaş”la bağlanmış müqaviləyə əsasən, 2020-2022-ci illər ərzində Bakı metropoliteninə, hər il 20 vaqon olmaqla, ümumilikdə, 60 yeni vaqon gətirilməlidir. Beləliklə, 2020-ci il ərzində gətirilməsi nəzərdə tutulmuş və texnoloji innovasiyalar baxımından 4-cü nəslə mənsub olan 4 yeni qatar artıq sərnişindaşıma prosesinə cəlb olunub. İlk iki belə qatar iyun ayının 29-dan xətdə işləyir.
Beləliklə, Bakı metropoliteninin lokomotiv parkındakı ən müasir tipli qatarların sayı 15-ə çatdırılıb.
Yeni vaqonlar məhz Bakı metropoliteninin texniki tələblərinə uyğun istehsal olunub. Qatarlar Bakının iqlim şəraitinə hesablanmış kondisioner sistemi avtomatik tənzimlənən mikroiqlim nəzarəti sistemi ilə təchiz edilib. Bu sistem, eləcə də ultrabənövşəyi lampalar vaqon salonunda havanın zərərsizləşdirilməsi funksiyasını da yerinə yetirir. Həmçinin tambursuz konstruksiya istilik izolyasiyasının effektini artırmaqla, havanın salonlarda bərabər paylanmasına xidmət edir.
Yeni qatarların baş vaqonları 38, orta vaqonları 44 oturacaqlıdır. Ümumilikdə baş vaqonlar 315, orta vaqonlar 329 sərnişin tutumuna malikdir. Vaqonlar arasında birbaşa keçidlər var. Bu, sərnişin salonunun 15 faiz genişlənməsinə, nəticədə, daha çox sərnişin daşımağa, sərnişinlərin qatar boyunca rahat hərəkət etməsinə və bərabər paylanmasına şərait yaradır. Vaqonlarda ayaq üstə dayanan, iri yük və uşaq arabaları ilə hərəkət edən sərnişinlər üçün çoxfunksiyalı zonalar, baş vaqonlarda maşinist kabinasının arxasında olmaqla əlil arabaları üçün yerlər, mobil cihazları enerji ilə yükləmək üçün USB portlar var. Salon qapıları əvvəlki nəsil vaqonları ilə müqayisədə daha enlidir. Bu isə sərnişinlərin daha sürətli minib-düşməsini təmin edir. Ümumilikdə, yeni qatar tərkibləri sərnişin təhlükəsizliyi və rahatlığı baxımından ən müasir yenilikləri, o cümlədən Bakı metropoliteninin infrastruktur tələblərini özündə ehtiva edən sistem və avadanlıqlarla təchiz olunub.
Xatırladaq ki, “Bakı Metropoliteni” QSC Rusiyanın “Transmaşholdinq” Səhmdar Cəmiyyətindən 2015-ci ildə 15, 2018-cı ildə 10, 2019-cu ildə 30, 2020-ci ildə isə 20 yeni tipli vaqon alıb.

Oxşar xəbərlər

“Bakı Metropoliteni”nin idarə rəisi İŞDƏN ÇIXARILDI
Bakıda metroya giriş dayandırıldı:Qatarlar 2 saat işləmədi
Metronun yeni stansiyasına Polad Həşimovun adı veriləcək? - Rəsmi açıqlama
Çindən daha bir yük qatarı Azərbaycana yola salındı
Mayın 9-da Bakı metrosunun fəaliyyəti bərpa oluna bilər
Bakı-Sumqayıt qatarlarının hərəkəti ləngidi
Bakı qeydiyyatında olan şəxslər rayondan necə gələ biləcək? - AÇIQLAMA
Bakı metropoliteni gücləndirilmiş rejimdə fəaliyyət göstərəcək
İlham Əliyev və Mehriban Əliyeva Sumqayıtda açılışda - FOTO
Metrodan istifadə ilə bağlı YENİ QAYDALAR
Bakı-Pirşağı-Sumqayıt-Bakı xəttinə əlavə qatarlar buraxılır
Bakıya 115 yeni avtobus gətirilir
“Metro yenidən bağlanacaq? – Qurum sözçüsü istisna etmir
Bu şəxslərin metroda işləməsi qadağandır - RƏSMİ
Abşeron dairəvi dəmir yolundan istifadə edənlərin nəzərinə - Artıq yeni qaydada yoxlanılacaqsınız
Sürücülərin DİQQƏTİNƏ: 50 manat cərimə oluna bilərsiniz
Bu şəxslərin icazəsi ləğv edildi
Koronavirusa rəğmən bu yeni stansiya fəaliyyətə başlayacaq - RƏSMİ
Bu ay 10 gün qeyri-iş günü var
BNA həftə ərzində daşınan sərnişinlərin statistikasını açıqlayıb
Siyahıyaalmadan kənarda qalan şəxslər üçün XƏBƏR
“Azərenerji” 2018-ci il “zülmətinin” bir daha təkrarlanmaması üçün modern sistem
Metroda yoxlama zamanı hərarəti yüksək çıxanlara nə ediləcək? - AÇIQLAMA
Metro nə vaxt fəaliyyətə başlayır? - Rəsmi açıqlama
Bakı metrosu fəaliyyətini bərpa edir?
Havada koronavirusu müəyyən etmək mümkün olacaq
Bakıda qadını qatar vurdu
Yeddi ay ərzində ölkədə araq və siqaret istehsalı artıb
ABŞ-da ictimai nəqliyyat pulsuz olacaq
Atası ilə zibil yığan 10 yaşlı qız fərdi təhsilə cəlb olundu