Gəncə şəhəri 30 saylı tam orta məktəbinin sabiq direktoru İlham Həsənov təhsil nazirliyinin fəaliyyətindən, xüsusilə də Gəncə Regional Təhsil İdarəsinin rəisi postuna gətirilən, ixtisasca "iqtisadçı" Anar Qədimalıyevin yarıtmaz fəaliyyətindən danışıb.
"DemokratikTV"-də növbəti çıxışını edən əməkdar müəllim təhsil naziri Emin Əmrullayevi və digər təhsil işçilərini də tənqid edib, deputatların da ölkə təhsilinə dair Milli Məclisdəki kəskin çıxışlarını narahatverici çağırış adlandırıb.

Xatırladaq ki, İlham Həsənov 2020-ci ildə 65 yaşının tamam olması münasibətilə direktorluqdan kənarlaşdırılıb. İlham Həsənov eyni məzmunlu şikayəti üzrə 36 dəfə ölkə başçısına yazılı şikayət məktublar ünvanlayıb, lakin bir dəfə də cavab almadığını iddia edir.