Bu, səfərbərlik deyil, adi təlimdir - Millət vəkili
21-09-2020, 18:50
223

Bu, səfərbərlik deyil, adi təlimdir - Millət vəkili

Bir neçə gündür ki, sosial şəbəkələrdə hərbi vəzifəlilərin orduya çağırılması ilə bağlı məlumatlar paylaşılır. Çağırışçılar və onların ailələri bunu ölkədə hərbi səfərbərliyin başlaması ilə əlaqələndiriblər. Artıq sosial şəbəkələrdə də səfərbərliyin başlaması ilə bağlı məlumatlar paylaşılır. Məsələ ilə bağlı bu gün Səfərbərlik və Hərbi Xidmətə Çağırış üzrə Dövlət Xidməti açıqlama yayaraq çağırışın təlim məqsədiylə olduğunu qeyd edib. Bildirilir ki, “Hərbi vəzifə və hərbi xidmət haqqında” qanuna əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırılırlar. 
Rəsmi qurumun açıqlamasından da göründüyü kimi, burada ajiotaj yaradacaq heç bir səbəb yoxdur, çağırışın hərbi səfərbərlik kimi qələmə verilməsi yanlışdır. Belə ki, ehtiyatda olan hərbi vəzifəlilər qanunvericiliyə uyğun olaraq təlim toplantılarına çağırılırlar. Müharibə şəraitində olan Azərbaycan üçün bu cür toplanışların keçirilməsi sülh şəraitində olan ölkələrlə müqayisədə daha aktual və vacibdir. 
Milli Məclisin Mədəniyyət komitəsinin sədri, deputat Qənirə Paşayeva “Qafqazinfo”ya açıqlamasında bildirib ki, “Hərbi vəzifə və hərbi xidmət haqqında” qanuna əsasən hərbi vəzifəlilər ehtiyatda olduqları dövrdə hərbi təlim, hərbi yoxlama və xüsusi toplanışlara çağırılırlar: “Səfərbərlik və Hərbi Xidmətə Çağırış üzrə Dövlət Xidməti tərəfindən ehtiyatda olan hərbi vəzifəlilərin müxtəlif ixtisaslar üzrə təlim toplanışlarına çağırılması həyata keçirilir.  Bilirsiniz ki, biz müharibə şəraitində yaşayan ölkəyik.  Torpaqlarımızın 20 faizi hələ də Ermənistanın işğalı altındadır. Bundan əlavə, işğalçı Ermənistan iyul ayında cəbhənin  Tovuz rayonu istiqamətində təxribatlar törədib. Onlar bizim bir sıra strateji nöqtələrimizi ələ keçirməyə cəhd edib. Düşmən layiq olduğu cavabı alaraq geri otuzdurulub.  Ancaq işğalçı Ermənistan arxasındakı bəzi güclərin dəstəyi ilə bu təxribatlarını davam etdirir.  Yenə də Tovuz rayonu istiqamətində  təxribata əl atıb və  bu təxribatların qarşısı yüksək səviyyədə alınıb. Bizim Tovuz rayonundan  olan qardaşımız şəhid olub. Bizim Bu gün tək Tovuzda deyil, Azərbaycanın hər tərəfindən yüzlərlə, minlərlə insanımız  Ali Baş  Komandanın əmrində olduqlarını bəyan edirlər. Tovuz hadisələrində minlərlə insan  könüllü şəkildə Səfərbərlik və Hərbi Xidmətə Çağırış üzrə Dövlət Xidmətinə müraciət edərək  hər an cəbhəyə getməyə hazır olduqlarını bildirmişdi.  Kişili-qadınlı, oğullu-qızlı hər birimiz vətəni qorumağa hazır olmalıyıq.
Hərbi vəzifəlilərin ehtiyatda olduqları dövrdə  hərbi təlimə və  yoxlanışlara çağırılmaları qanunla həmişə həyata keçirilir. Burada hər hansı ajiotaja ehtiyac yoxdur. Bu hadisələrə normal baxmalıyıq. Müharibə şəraitində yaşayan bir ölkə üçün bu cür təlimlərin keçirilməsi ajiotaja səbəb olmamalıdır. 
Hesab edirəm ki, sadəcə hərbi vəzifəlilər deyil, universitet illərindən hərbi kafedralarda bu sahənin sirlərinə yiyələnmiş şəxslər də bu işə cəlb olunmalıdır. Mən də o insanlardan biriyəm. Tovuz hadisələri zamanı  özüm də könüllü şəkildə xidmətə müraciət etmişəm.  Vətənimizə, dövlətimizə nə zaman lazım olsaq, hər bir azərbaycanlı buna hazır olmalıdır”.
Bu arada qeyd edək ki, hərbi vəzifəlilərin təlimlərə çağırılması prosesi başqa ölkələrdə də baş verir. 
Məsələn, Rusiyada ehtiyatda olanların toplanışları hər il keçirilir. Belə ki, iyulun 29-da Rusiya prezidenti Vladimir Putin 2020-ci ildə keçiriləcək toplanışla bağlı müvafiq sərəncam imzalayıb. 
Bu günlərdə Ukraynada da ehtiyatda olanların hərbi toplanışı başlayıb.
Cənubi Koreyada 1968-ci ildən etibarən ehtiyatda olanların hərbi toplanışları keçirilir. Qanunvericiliyə görə, hər bir kişi hərbi xidməti başa vurduqdan sonra il ərzində 1-3 gün davam edən hərbi toplanışlarda iştirak etməlidir. Cənubi Koreyada builki toplanışı  martında keçirilməli idi, amma koronavirus pandemiyasına görə toplanışlar bu ay -  sentyabrda keçiriləcək.
Belarusda ildə bir dəfə analoji hərbi toplanışlar keçirilir. Bu il toplanışlar avqust ayında Vitebsk vilayətində baş tutub.  
İsraildə  “Ehtiyatda olanlar barədə” 2008-ci ildə qəbul olunmuş qanuna görə, hərbi xidməti başa vurmuş vətəndaşlar 54 yaşına qədər hərbi toplanışlara çağırıla bilər. Hər il ölkədə ehtiyatda olan zabitlər 45 günədək hərbi toplanışa çağırılır. Son toplanışlara yalnız Tel-Əvivdən 40 minə yaxın ehtiyatda olan hərbçi qatılıb.
Polşada 2020-ci ildə 50 minədək ehtiyatda olan hərbçi hərbi toplanışa çağırılıb. Əvvəllər toplanışlar bir neçə gün davam edirdisə, bu il bunun üçün 5-12 gün nəzərdə tutulub. Keçmiş hərbçilər çağırışdan sonra 4 saat ərzində hərbi hissədə olmalıdır.
Latviyada 2015-ci ilə qədər ehtiyatda olan hərbçilər üçün bu cür toplanışlarda iştirak könüllü idi. Amma 2016-cı ildən sonra çağırış alan vətəndaş artıq toplanışa qatılmağa borcludur. Toplanışda iştirakdan boyun qaçıranlar 210 avro cərimə olunur, bu hal təkrarlansa, cərimənin miqdarı artırılır.
Göründüyü kimi, ehtiyatda olan hərbçilərin zaman-zaman hərbi toplanışlara, təlimlərə çağırılması bir çox ölkələr üçün adi haldır. Bu, hərbi xidmətdən ötən dövr ərzində onların hərbi hazırlıq səviyyəsinin düşməsinə imkan verməmək, peşəkarlığı lazımi səviyyədə saxlamaq məqsədi güdür. 

Oxşar xəbərlər

Azərbaycanda ehtiyatda olan hərbi vəzifəlilərin təlimləri başladı
Prezidentdən Səfərbərlik və Hərbi Xidmətə Çağırış üzrə Dövlət Xidməti ilə bağlı SƏRƏNCAM
Səfərbərlik və Hərbi Xidməti gəncləri yola saldı
Dövlət Xidməti: 8500-ə yaxın vətəndaş döyüşə getmək üçün qeydiyyata düşüb
İlham Əliyevdən hərbi xidmətə çağırışla bağlı SƏRƏNCAM
Hərbi xidmətə çağırış müddəti uzadıldı - SƏRƏNCAM
"Hərbi xidmətə çağırış sayı iki dəfə azaldılsın" - Deputatdan TƏKLİF
Azərbaycanda hərbi xidmətə çağırış müddəti uzadıla bilər
Neftçalada ehtiyata buraxılan gənclərlə görüş keçirildi
Azərbaycan ordusunda YENİLİK: hərbçilərə pul əvəzinə ərzaq veriləcək
Müdafiə Nazirliyindən Tofiq Yaqublunun oğluyla bağlı - Açıqlama
Azərbaycanda ordudan tərxis başladı
"Əgər bu virus hərbi hissələrə keçsə..." - Ziyafət Əsgərov
Rusiyada "Qafqaz-2020" belə başladı - VİDEO
Nazirlikdən bu səbəbdən əlilliyi yaranan şəxslərlə bağlı RƏSMİ AÇIQLAMA
“Hər an müharibə başalaya bilər”
“Azərbaycan Ordusu dünya səviyyəsində ən müasir orduya çevrilib” - Gürcü ekspert
Şəhid olan hərbçimizin fotosu YAYILDI
DSX-nin 3 əməkdaşı general-leytenant, 2 əməkdaşı general-mayor oldu
Ramiz Mehdiyev kürəkəninin polkovnik qardaşına AMEA-da yüksək vəzifə verdi
Gəncədə Hərbi Hospitalın yeni inşa edilmiş şöbəsinin açılışı oldu - Video
Ermənilər sosial şəbəkələrdə azərbaycanlı adı ilə təxribata başladılar - FOTO
Daha bir erməni əsgər öldü
ABŞ-ın hərbi bazası PARTLADILDI
Hərbi ekspert: “SpaceX” Rusiyaya qarşı silah hazırlayıb”
Azərbaycanın Müdafiə naziri Rusiyanın Baş hərbi prokuroru ilə görüşüb
Ermənistan Türkiyə ordusu ilə döyüşə girir - TƏFƏRRÜAT
Kamran Əliyev əmr imzaladı
SİYASƏT Zakir Həsənov Belarus Təhlükəsizlik Şurasının dövlət katibi ilə görüşüb
“Azərbaycan Ordusu 21-ci əsrin ordusudur”