Parlamentlərarası İttifaqda ermənilər azərbaycanlı deputatın sualı qarşısında çaşdılar
18-10-2019, 14:30
10 268

Parlamentlərarası İttifaqda ermənilər azərbaycanlı deputatın sualı qarşısında çaşdılar

Oktyabrın 16-da Parlamentlərarası İttifaqın Serbiyanın paytaxtı Belqrad şəhərində keçirilən 141-ci Assambleyası çərçivəsində qurumun Sülh və Beynəlxalq təhlükəsizlik Komitəsinin iclası baş tutub. Komitə üzvləri iqlim dəyişikliyi və təbii fəlakətlər nəticəsində dünyada yaranmış disbalans və humanitar fəlakət mövzusuna dair fikir mübadiləsi aparıblar.
Milli.Az Trend-ə istinadən xəbər verir ki, Milli Məclisin üzvü Kamran Nəbizadə komitənin iclasında iştirak edərək iqlim dəyişikliyi, artan su qıtlığı, əhali artımı, demoqrafik dəyişikliklər və urbanizasiya proseslərinin su təchizatı sistemləri üçün artıq problemlər yaratdığını bildirib.
Kamran Nəbizadə Azərbaycanın əsas məqsədlərindən birinin suyun bütün sahələrdə səmərəli və məhsuldar istifadəsinin təmin edilməsi olduğunu və ölkəmizin Dayanıqlı İnkişaf Məqsədləri (DİM) çərçivəsində ətraf mühit sahəsində mühüm nailiyyətlər əldə olunması üçün çoxsaylı konvensiyaları imzaladığını, bu sahə üzrə son illər ərzində bir sıra qanunların qəbul olunduğunu komitə üzvlərinin nəzərinə çatdırıb.
Komitə üzvləri və rəhbərliyi tərəfindən Milli Məclis üzvünün çıxışı və Azərbaycanın qeyd olunan sahədə nümayiş etdirdiyi mövqe yüksək qiymətləndirilib. Komitənin həmsədri, eyni zamanda, Almaniya Bundestaqının Sədr müavini xanım Klaudiya Roth üzv dövlətləri Azərbaycanla eyni mövqedə olmağa çağırıb, yalnız belə bir mövqenin planetimizin gələcəyinə yardım edəcəyini qeyd edib.
Parlamentlərarası İttifaqın Serbiyanın paytaxtı Belqrad şəhərində keçirilən 141-ci Assambleyası öz işini davam etdirir. Assambleyanın "Beynəlxalq hüququn möhkəmləndirilməsində parlamentlərin rolu və mümkün mexanizmlər, regional əməkdaşlığın töhfəsi" mövzusunda keçirilən ümumi debatlarda çıxış edən nümayəndə heyətinin üzvü, Millli Məclisin Gənclər və İdman komitəsinin sədr müavini Şahin İsmayilov Ermənistan hakimiyyətinin "Qarabağ xalqı" məsələsini qabartmasını işğal faktının ört-basdır etmək istəməsi ilə əlaqəndirib.
O, Azərbaycanın beynəlxalq səviyyədə tanınan ərazilərinin 20 faizinin Ermənistan tərəfindən işğal olunduğunu, bir milyondan çox mülki şəxsin öz tarixi yurd-yuvalarından didərgin düşdüyünü, Xocalıda soyqırım törədildiyini bir daha tədbir iştirakçılarının diqqətinə çatdırıb. Deputat deyib ki, münaqişədə Azərbaycanın mövqeyi dəyişməzdir, Qarabağ məsələsi yalnız Azərbaycanın ərazi bütövlüyü çərçivəsində həll oluna bilər. O, münaqişə ilə bağlı mötəbər təşkilatlar, o cümlədən BMT tərəfindən 4 qətnamə qəbul olunduğunu, lakin bunların hələ də icra olunmadığını tədbir iştirakçılarına xatırladıb.
Sonda Şahin İsmayilov ritorik sualla tədbir iştirakçılarına müraciət edib: "Erməni xalqı müqəddəratını müəyyən edərək öz dövlətlərini yaradıb. İndi onlar ikinci erməni dövləti yaratmaq istəyirlər. Bəlkə, gələcəkdə 3-cü erməni dövləti yaratmaq istəyəcəklər? Bu, paradoksdur".
Bu sözlər erməni nümayəndə heyətinin ciddi narazılığına səbəb olub.

Oxşar xəbərlər

"Bu fəlakət koronavirusdan 5 dəfə daha çox insanı öldürəcək"
"Rusiya Azərbaycanın faydalı əlaqələrə malik olduğu əsas tərəfdaş ölkələrdəndir"
Fərhad Bədəlbəyli: "Məni telekanalların veriliş siyasəti çox narahat edir"
Azərbaycan ATƏT PA-nın Büro iclasında təmsil olunub
Kamran Əliyev parlamentin iclasında: “Baş Prokurorluq cinayətkarlığa qarşı mübarizəni gücləndirəcək”
Araz Əlizadə yeni Baş prokurordan gözləntilərini açıqladı: “Əminəm ki, belə də olacaq”
Elmar Məmmədyarov türkiyəli həmkarı ilə görüşdü
“İnhisarçılığa qarşı çox ciddi mübarizə aparılmalıdır” - Prezident
Ramil Usubov Azərbaycanda təhlükəsizliklə bağlı durumu açıqladı
Qərbi Azərbaycan Respublikası: nələr ediləcək? – Plan
Elmar Məmmədyarov Qazaxıstanın yeni səfiri ilə görüşüb
Gömrük əməkdaşları üçün seminar keçirilir
ABŞ nümayəndə heyəti Gömrük Komitəsində
Fizika üzrə Nobel mükafatları təqdim olundu
Uşaq hüquqları aylığına start verilir
Prezident İlham Əliyev: "Ölkəmizin uğurlu dayanıqlı iqtisadi inkişafı bundan sonra özəl sektor hesabına təmin edilməlidir"
 Zakir Həsənov NATO admiralı ilə görüşdü
Deputat: "Əli Əsədovun yeni Baş Nazir vəzifəsinə təyin edilməsi yerində verilən qərardır"
Deputatdan Kamran Əliyevin baş prokuror təyin edilməsinə MÜNASİBƏT
Novruz Məmmədov Baş Nazir vəzifəsindən azad edilməsi ilə bağlı müraciət edib
Əhalinin dövlətin yüksək diqqət və qayğısı ilə əhatə olunması həyata keçirilən sosial siyasətin mühüm tərkib hissəsidir
Yeni Baş nazirdən ilk açıqlama
Maliyyə Nazirliyi məlumat yaydı: Ərzaq və su təhlükəsizliyi gücləndirilir
Baş prokurordan kadr dəyişikliyi: Fərid Nağıyevə yeni vəzifə verildi
Məzahir Pənahov yola salınır: Sayılı günlər qaldı
ABŞ nümayəndə heyəti Gömrük Komitəsində
Anar Kərimov incəsənət xadimləri ilə videogörüş keçirdi
Azərbaycanın Müdafiə naziri Rusiyanın Baş hərbi prokuroru ilə görüşüb
Azərbaycan ilk dəfə Asiya Parlament Assambleyasında nümayəndə heyəti ilə təmsil olunacaq