Milli Məclisin bu gün keçirilən iclasında əhalinin hər bir üzvünə birdəfəlik 100 manat verilməsi təklif olunub.
Bu təkliflə parlamentin bu gün keçirilən iclasında çıxış edən deputat Tahir Kərimli çıxış edib.
O bildirib ki, Dövlət Neft Fondunda yetərincə vəsait var.  Deputat qeyd edib ki, Azərbaycanda 2021-ci ildə 112 min uşaq doğulub:
"Onlara hesab açılsın və 2000 dollar pul keçirilsin. Neft-qazla zəngin olan bir sıra dövlətlərdə bu rəqəm 10 minlərlə dollardır. Bizdə isə bu rəqəm cəmi 224 milyon edir. Bu da Neft Fondunda olan vəsaitlərin yarı faizindən də aşağıdır. Azərbaycanda əhalinin kommunal ödənişləri həyata keçirməsində müəyyən problemlər var. Azərbaycanda olan 2 milyon 200 minə yaxın ailə var. Hər bir ailənin hesabına 200 dollar ekvivalentində pul qoyulsun. Bu da onlara kommunal ödənişləri ödəməyinə kömək etsin. Hesab edirəm ki, bu Neft Fondu üçün böyük məbləğ olmaz”.