Sabiq nazir Hüseynqulu Bağırov məhkəmədə dindiriləcək - TƏFƏRRÜAT
26-10-2020, 16:19
136

Sabiq nazir Hüseynqulu Bağırov məhkəmədə dindiriləcək - TƏFƏRRÜAT

Bakı Ağır Cinayətlər Məhkəməsində Ekologiya və Təbii Sərvətlər Nazirliyinin mənimsəmədə təqsirləndirilən keçmiş əməkdaşları - Nazirliyin Hidrometeorologiya Departamentinin direktoru olmuş Əkbər Həsənov, həmin departamentin baş mühasibi İlqar Hacıyev və departamentin digər əməkdaşları - Orxan Qasımov, Tural Hacızadə və Təbriz Əliyevin cinayət işi üzrə məhkəmə prosesi davam edib.

APA-nın məlumatına görə, prosesdə bir neçə zərərçəkmiş şəxs dindirilib. Onlar heç bir şikayət və tələblərinin olmadığını, özlərini zərərçəkmiş kimi hesab etmədikləri bildiriblər.

Prosesdə təqsirləndirilən İlqar Hacıyev isə qeyd edib ki, zərərçəkmişlərin bir çoxunu və şahidləri tanımır. Onun sözlərinə görə, onların zərərçəkmiş kimi dindirilməsi qərəzlidir.

Digər şahid Cəmilə Muxtarova da məhkəmədəki ifadəsində təqsirləndirilən şəxsləri tanımadığını söyləyib.

Hakim məhkəmədə fərqli ifadə verən şəxslərlə bağlı araşdırma aparılacağını, hüquqi qiymət veriləcəyini deyib.

Təqsirləndirilən Orxan Qasımovun vəkili isə müstəntiq barəsində tədbir görülməsini istəyib.

İlqar Hacıyev məhkəməyə bildirib ki, müstəntiq bəzi şahid və zərərçəkmişlərdən ona qarşı qərəzli ifadə alıb: “Pulu kartlardan kimin çıxarması ilə bağlı dəqiq məlumat var. Bunu bankomatlardan pulun çıxarılması vaxtı və kamera görüntüləri ilə sübut etmək olar”.

Hakim Hüseynqulu Bağırovun da məhkəməyə şahid kimi çağırılıb dindiriləcəyini qeyd edib.

Daha sonra İlqar Hacıyevin vəkili Ramil Məmmədzadə müdafiə etdiyi şəxsin ev dustaqlığına buraxılması ilə bağlı daha bir vəsatət verib.

Vəkil bildirib ki, dəymiş zərər ödənildiyi üçün müdafiə etdiyi şəxs azadlığa buraxılmalıdır.

Vəsatət təmin edilməyib.

Proses oktyabrın 30-da davam edəcək.

Qeyd edək ki, təqsirləndirilən şəxslərə qarşı Cinayət Məcəlləsinin mənimsəmə, vəzifə səlahiyyətlərindən sui-istifadə və daha bir neçə maddəsi ilə ittihamlar irəli sürülüb.

İttihama görə, 2012-ci ildən Milli Hidrometeorologiya Departamentində rəhbər vəzifələrdə - direktor və direktor müavini işləyən Ə.Həsənovun rəhbərliyi ilə təqsirləndirilən şəxslər Nazirlikdə şəbəkə quraraq külli miqdarda vəsaiti mənimsəyiblər. Belə ki, onlar əmək müqaviləsi bağlamayan işçilərin əməkhaqlarını ayrı-ayrı kartlara köçürərək ələ keçiriblər.

İş üzrə ümumilikdə 450 min manatdan çox zərər olub. İstintaq dövründə 300 min manat zərər ödənilib.

Təqsirləndirilən şəxslərdən yalnız İlqar Hacıyev barəsində həbs qətimkan tədbiri seçilib.

Zərərçəkən 27 nəfər də əmək müqaviləsi imzalanmayan, maaşları karta köçürülərək mənimsənilən şəxslərdir.

İ. Hacıyev ifadəsində sabiq nazir Hüseynqulu Bağırovu günahlandırıb.

Oxşar xəbərlər

Keçmiş nazir dövlətə vurduğu ziyanı ödədi - Azərbaycanda BİR İLK
Milli Məclisin Elm və təhsil komitəsinin sədri Bəxtiyar Əliyev Bakı Dövlət Universitetinin Psixologiya kafedrasının müdiri vəzifəsindən azad edilib.
“Azərtoxum” MMC-nin direktorunun bıçaqlanması işi üzrə məhkəmə başlayır
Baş prokurorun həbsdə olan sabiq müavinindən XƏBƏR VAR
Yüz minlik dələduzluqda ittiham olunan partiya sədrinin məhkəməsi başlayıb
Azərbaycanda vəkil məhkəmə zalında həbs EDİLDİ
Bakıda keçmiş icra məmuru rüşvət aldı - cəzası bilindi
Baş Prokurorluğun sabiq əməkdaşının cinayət işi məhkəməyə göndərildi
"26-lar" kafesinin sahibinin oğlu, “Gelandevagen”li Qasımov niyə bıçaqlanıb? - FOTO
“Elinanın gündəliyində "ölümümə 52 gün qalıb” yazılmışdı" - Məktəb direktoru
“Yol Patrul Xidmətinə işə qayıtmağım üçün 15 min manat istədi” - TƏFƏRRÜAT
Sabiq icra başçısının oğlunu öldürən ömürlük məhkumun şikayətinə baxıldı
Hüseyn Məmmədovun öldürülməsi ilə bağlı RƏSMİ AÇIQLAMA
Məhkəmə Eldar Həsənovla bağlı QƏRAR VERDİ
Elvin İsayevin məhkəməsi başlayır
Nazirliyin 26 əməkdaşı koronavirusa yoluxdu, 1 nəfər vəfat etdi
Azərbaycanda iki milyon manatlıq mənimsəmə: Vəzifəli şəxsə cinayət işi açıldı - RƏSMİ
Azərbaycanda 18 dəfə həccə gedən falçıya qarşı ŞOK CİNAYƏT
Bakıda saxta içki bəlası: Üç nəfərin ölümünə səbəb olan şəxslər hakim qarşısında
Bu gün Eldar Həsənovun ev dustaqlığına buraxılmasına dair şikayətinə baxılacaq
Ağgöl Milli Parkında yanğın müəmması-ETSN-nə yalan məlumat verilir?-NONSES
Azərbaycanda dörd qadın birləşib, kişinin evini soydu
Hüseynqulu Bağırov əmlaklarını satışa çıxardı - SİYAHI
Hüquqşünas xanımdan universitet müəlliminə qarşı şok hərəkət - TƏFƏRRÜAT
Kriminal Qaraçuxur: Asim ad günündə dostu ilə yeyib-içdi və kafeni işlədən gənci öldürdü - “KABİNET”-DƏ QƏTL
Azərbaycanda nazirliyin sabiq əməkdaşı həbs edildi
Sabiq icra başçısının oğlu məhkəmə qarşısında
Bacısını kanalda boğub öldürən şəxs həbs edildi
İlqar Məmmədova 234 min kompensasiya ödənildi