Aparıcı Elgiz Əkbər vəkil Şəfiqə Nağıyevanın ağlayaraq efiri tərk etməsindən danışıb.
Olay xəbər verir ki, o, hüquqşünasla heç bir qalmaqal yaşamayıb:
“Mən heç kimlə qalmaqal yaşamamışam. Məni tənqid edirlər? Mən nə edim? İnsanlar ağlamaqda və gülməkdə sərbəstdir. Yaxşı olanda gülürük, bir az pis olanda ağlayırıq. Ağlamaq və gülmək vətəndaşların haqqıdır”.
Qeyd edək ki, ötən günlərdə Ş. Nağıyeva “Elgizlə izlə” proqramını ağlayaraq tərk edib. Buna səbəb isə onun efirdə keçmiş məhbus olan Nüsrət adlı bəylə davasıdır. Belə ki, Nüsrət münaqişə zamanı vəkilin oğlunun adını çəkib, həm də “Bəs siz niyə boşanmısız” sualını ünvanlayıb.
Ş. Nağıyeva bu üslubdan narahat olub və efirdən göz yaşı tökərək çıxıb, həmçinin buna Elgizin şərait yaratdığını deyərək etirazını bildirib.