Ombudsman UNICEF-ə etiraz məktubu göndərib
29-10-2020, 14:29
287

Ombudsman UNICEF-ə etiraz məktubu göndərib

UNICEF-in 28 oktyabr 2020-ci il tarixli, Dağlıq Qarabağ və ətraf ərazilərdə davam edən döyüşlərlə bağlı verdiyi bəyanatında ikili standartlara yol verilərək qətlə yetirilmiş uşaqlarla əlaqədar həqiqətlərin gizlədildiyi müşahidə olunub.
Ombudsman Aparatından verilən məlumata görə, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva qətlə yetirilmiş Azərbaycanlı uşaqların sayının, soyadlarının və həlak olduqları rayonların adlarının məqsədli şəkildə bəyanatda göstərilmədiyini əsas götürməklə qəti etirazını bildirib və UNICEF-in icraçı direktoru xanım Henrietta Holsman Foreya həmin faktlarla bağlı müraciət edib.
Ombudsman bildirib ki, uşaqlar döyüş zonasına yaxınlığı olmayan, həmin zonalardan uzaq məsafədə yerləşən mülki yaşayış məntəqələrində Ermənistan silahlı qüvvələrinin Ermənsitan ərazisindən atdıqları raket atəşləri nəticəsində qətlə yetiriliblər. Bu faktların bəyanatda göstərilməməsi UNICEF-in bitərəf mövqedən çıxış etməməsi və ikili standartlara yol verməsi ilə yanaşı, baş vermiş insan təlafatlarının döyüş zonası ilə bağlamaq məqsədi daşıdığını deməyə əsas verir.
Ermənistan silahlı qüvvələrinin beynəlxalq hüquq normalarını kobud şəkildə pozmaqla cəbhə bölgəsi və cəbhə bölgəsindən uzaq ərazilərdəki mülki əhalinin sıx məskunlaşdığı yaşayış məntəqələrini intensiv şəkildə atəşə tutması nəticəsində mülki əhali arasında 90 nəfər həlak olmuşdur ki, onlardan 11-i uşaqdır. Yaralanan 395 nəfərdən isə 48-i uşaqdır.
Bu isə Ermənistanın mülki əhaliyə qarşı davam etdirdiyi terror aktlarına göz yumulması beynəlxalq hüququn norma və prinsiplərinin, o cümlədən Cenevrə Konvensiyalarının, xüsusilə də BMT-nin Uşaq Hüquqları Konvensiyasının müddəalarının kobud şəkildə pozulmasına şərait yaradılması deməkdir.
Yuxarıdakı faktlara və apardığı faktaraşdırıcı missiyanın nəticələrinə əsaslanmaqla Ombudsman Səbinə Əliyeva Ermənistanın Azərbaycan ərazilərinə və mülki əhaliyə hərbi təcavüzü ilə bağlı UNICEF-in regional direktoruna çağırış edərək baş vermiş insan təlafatına, o cümlədən uşaqların qətlə yetirilməsinə və yaralanmasına BMT səviyyəsində münasibət bildirilməsini tələb etməklə yanaşı, birgə faktaraşdırıcı missiyanın keçirilməsini təklif etmişdi. Bu günədək isə UNICEF tərəfindən hər hansı bir fakaraşdırıcı fəaliyyət həyata keçirilməmişdir.
Qeyd olunanları nəzərə alaraq, Ombudsman Səbinə Əliyeva UNICEF-in 28 oktyabr 2020-ci il tarixli, Dağlıq Qarabağ və ətraf ərazilərdə davam edən döyüşlərlə bağlı bəyanatına etirazını bildirir, həlak olan uşaqlarla bağlı yuxarıda qeyd olunan faktlara münasibətdə UNICEF tərəfindən mövqe nümayiş etdirilməsini, Ermənistanın müharibə cinayətlərinin qarşısının alınması ilə bağlı təsirli tədbirlər görülməsini, uşaqların ən ümdə maraqlarının təminini ədalət və insanlıq naminə tələb edir.

Oxşar xəbərlər

Ombudsman Aparatı: Səbinə Əliyeva öz fəaliyyətini davam etdirir
Ombudsman Məleykə Abbaszadəyə müraciət etdi
Ombudsman 82 min manata avtomobil aldı
Ombudsman Bərdədə 17 yaşlı qızın qaçırılmasını nəzarətə götürdü
"Ombudsmana şans verilməsini istərdim" - Çingiz Qənizadə
Ombudsman Tofiq Yaqubluya baş çəkib
DİM Ombudsmanın məktubuna cavab verib
Ombudsmanın yeni çağrı mərkəzi istifadəyə verilib
Ramiz Mehdiyevin nəvəsinin toyunda Ombudsman qol götürüb oynadı - Video
Ombudsmandan qəfil yoxlama: Həkim çatışmazlığı aşkarlandı
Düşmənin həlak etdiyi mülki şəxslərin sayı açıqlandı
Ombudsmanın nümayəndələri həbsdə olan AXCP üzvlərinə baş çəkib
Alman mətbuatı Ermənistan rəhbərliyini ifşa etdi
Azərbaycan XİN rəhbəri Aİ-nin ali nümayəndəsi ilə telefonla danışıb
Paşinyanın məsuliyyətə cəlb edilməsi üçün faktlar toplanır - Rəsmi
Ombudsman əməkdaşları Fuad Qəhrəmanlı və Məmməd İbrahimlə görüşdü
“Dağlıq Qarabağda “seçkilər”in ikinci raundunu tanımırıq”
“Qadağan olunmuş silahların istifadəsi qəbuledilməzdir“ - Səfir
Azərbaycanın Ombudsmanı fəaliyyətini dondurub
Azərbaycanlı xanımlardan Akopyanın silahlı fotosessiyasına ETİRAZ
"Pakistan daim Azərbaycanın yanındadır" - Bilal Hayee
Mehdiyevin nəvəsinin toyunda oynayan Ombudsmanın geyiminin gözqamaşdıran qiyməti
Beş uşaq anası övladlarına narkotik maddə verdikdən sonra boğaraq öldürüb...
Kolumbiya Senatından Azərbaycana DƏSTƏK
Böyük Britaniyada baş nazirin ofisi qarşısında Gəncə terroruna etiraz edilib
İlham Əliyev: "Qarabağ – Azərbaycandır. Və nida işarəsi"
Ombudsmandan 82 minlik avtomobillə bağlı – Rəsmi açıqlama
Azərbaycandan Ermənistanla bağlı SƏRT AÇIQLAMA: "Əvvəl-axır işğalçı cavab verəcək"
Xilasedicilər Gəncədə dağıntılar altında qalan 2 yaralını çıxardı
Erməni təxribatları nəticəsində 10-u uşaq olmaqla 65 nəfər həlak olub