29 ictimai iaşə müəssisəsi barəsində inzibati tədbirlər görülüb
29-10-2020, 15:17
186

29 ictimai iaşə müəssisəsi barəsində inzibati tədbirlər görülüb

Ölkəmizdə hərbi vəziyyətin elan olunduğu, eyni zamanda xüsusi karantin rejiminin davam etdiyi bir şəraitdə əhalinin sağlamlığı və təhlükəsizliyinin təmin olunması bizlərdən müharibə dövrünün şərtlərinə uyğun olaraq xüsusi yanaşma və məsuliyyət tələb edir. Xüsusilə, qida sahəsində fəaliyyət göstərən sahibkarlıq subyektləri xəstəliyin yayılmaması üçün əks-epidemik tədbirlərə ciddi riayət etməli, insanların sıx toplaşdığı ictimai iaşə müəssisələrində karantin rejiminin tələblərini daim diqqət mərkəzində saxlamalıdırlar.
Qida Təhlükəsizliyi Agentliyindən verilən məlumata görə, agentlik əməkdaşları tərəfindən bu sahədə aidiyyəti qurumlarla birgə həyata keçirilən yoxlama-nəzarət tədbirləri zamanı, təəssüflər olsun ki, bəzi ictimai iaşə müəssisələrinin sahibləri və müştərilər tərəfindən bir sıra qaydalara əməl edilmədiyi aşkar olunur.
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə, Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə müəssisələrində reydlər davam etdirilir. Belə ki, AQTA əməkdaşları tərəfindən 28 oktyabr 2020-ci il tarixində Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəki, Quba, Lənkəran, Şəmkir, Cəlilabad, Sabirabad) üzrə 349 ictimai iaşə obyektində 600 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən 29 ictimai iaşə müəssisəsində Azərbaycan Respublikasının Nazirlər Kabinetinin qərarı ilə təsdiq edilmiş qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb.
Aparılan reydlər zamanı sahibkarlıq subyektlərində, əsasən, işçi heyətin və müştərilərin tibbi maskadan istifadəsinə nəzarət edilməməsi, həmçinin pandemiya dövründə ictimai iaşə müəssisələrinin qida qəbulu zallarında müştəri qəbulu zamanı adambaşına müəyyən edilən sıxlıq normalarına riayət olunmaması ilə bağlı nöqsanlar aşkarlanıb.
Nazirlər Kabinetinin müvafiq qərarına əsasən, qida qəbulu zallarında oturacaqların ara məsafəsi eyni masa arxasında 1 metrdən, masalararası məsafə isə 2 metrdən az olmamalıdır. Koronavirus (COVID-19) pandemiyası dövründə ictimai iaşə müəssisələrində müştəri qəbulu qüvvədə olan norma və qaydalardan 2 dəfə az olmalı və müvafiq olaraq, adambaşına müəyyən edilən sahə ikiqat artırılmalıdır.
Unutmaq olmaz ki, koronavirusla effektiv mübarizə tədbirləri nəticəsində əldə olunmuş müsbət tendensiyanın davam etdirilməsi üçün bu qəbildən olan tədbirlərin daim diqqət mərkəzində saxlanması və mütəmadi qaydada qabaqlayıcı tədbirlərin həyata keçirilməsi vacib şərtlərdəndir.

Oxşar xəbərlər

42 obyektdə nöqsanlar aşkarlanıb
Restoran sahiblərinə xəbərdarlıq edilib
“Leş Tofiq”in müəssisənin məhsullarına AQTA “sertifikat” verib? - RƏSMİ
Kafe-restoranlarda işçilər və müştərilərin əməl etməli olduğu qaydalar
 Azərbaycanda karantin rejimi yumşaldılır - HANSI QADAĞALAR GÖTÜRÜLDÜ?
Nazirlik kafe və restoranlara xəbərdarlıq etdi
Karantin rejimi qaydalarını pozan ictimai-iaşə obyekti aşkarlanıb
Restoranlarda xidmət tam bərpa edilir
Prezident 2 fərman imzaladı: bu qurumların vəzifələri artırıldı
Dövlət agentliyindən broyler sahiblərinə XƏBƏRDARLIQ
Bakıda birgə reydlər keçirilir
Tərtərdə karantin rejiminin vəziyyəti ilə bağlı növbəti reyd keçirilib
Kafe və restoranlar gecə saat 12-ə qədər işləyəcək
Azərbaycanda restoran və “Mall”ların fəaliyyəti bərpa olunur
Dönərxanalar nəzarətə götürülür: Qiymət artacaqmı? - RƏSMİ AÇIQLAMA
Metronun açılmasıyla bağlı qərar verildi, bu tarixdən... - RƏSMİ
Karantin rejiminin pozulmasına nəzarət edən qurumların sayı artırıldı
Polis məhəllədaxili yerlərdə nəzarəti gücləndirib
Bakıda kafenin sahibi həbs edildi, müştəriləri - CƏRİMƏLƏNDİ
Xüsusi karantin rejiminin pozulması ilə əlaqədar 16 nəfər həbs edilib
Çimərliklərdə ictimai-iaşə obyektlərinin fəaliyyətinə icazə verilib
Balakəndə karantin rejimi ilə bağlı növbəti reyd keçirilib
Astarada karantin rejiminə riayət etməyənlərə xəbərdarlıq olundu
Maska taxmayan 9 nəfər cərimələndi
Əhalinin sıx toplaşdığı yerlərdə maskasız şəxslər cərimələnəcək - BŞBPİ xəbərdarlıq etdi
Gizli fəaliyyət göstərən çayxananın sahibi və 7 müştəri cərimələndi
AQTA: Mehmanxanaların daha sərt yoxlanması regionlarda həyata keçirilir
Avropa sərt karantinə qayıdır – Bəs Azərbaycan necə?
Tərtərdə uşaq bağçalarının açılması ilə əlaqədar dezinfeksiya və təmizlik işləri aparılır
Elçin Babayevlə yayılan məlumatlar həqiqəti əks etdirmir:BDU-dan AÇIQLAMA