Məmur oğlu Londonda milyonluq malikanəni necə alıb? – Sensasion araşdırma
4-11-2020, 15:27
284

Məmur oğlu Londonda milyonluq malikanəni necə alıb? – Sensasion araşdırma

Azərbaycanlı məmurun oğlu saxta şirkətə sirli ödənişlə Londonda dəbdəbəli malikanə əldə edib. Bunu Jurnalistlərin Mütəşəkkil Cinayətkarlıq və Korrupsiyanı Xəbərləmə Layihəsi (OCCRP) üzə çıxarıb.
Araşdırmada bir müddət öncə “Panama Sənədləri” adlı araşdırmada adı keçən türkiyəli multimilyonçu Mehmet Cengizdən söz açılır. Türkiyənin “Cumhuriyet” qəzetinin 2016-cı ilin iyununda yaydığı sənədlərdə tikinti maqnatının təsis etdiyi gizli ofşor şirkətlərin adları çəkilirdi. Cengizin Böyük Britaniyada nəzarət etdiyi şirkət 2008-ci ildə “Vremax Properties Limited” adlı ofşor şirkətə 3.07 milyon dollarlıq konsultasiya ödənişi edibmiş.
Bu ödəniş qaranlıq bir konsultasiya kontraktı əsasında edilib. Kontrakt yenicə yaradılmış, konsultasiya sahəsində ad çıxarmayan anonim şirkətlə bağlanıb.
OCCRP pərdəarxası baş verənləri öyrənib. Ödənişdən bir neçə ay sonra Vremax Londonun mərkəzində 2.3 milyon dollara dəbdəbəli mənzil alır. Artıq bu mənzildə Azərbaycandan gənc biznesmen Cümə Əhmədzadə yaşayırdı. Vremax ona həmin mənzildə yaşamaq icazəsi verir. İki il sonra gizli ofşor şirkət qonşuluqdakı daha iki mənzili alır, Əhmədzadəyə onların dizaynını dəyişərək özü üçün əzəmətli bir iqamətgah qurmağa şərait yaradır.
Araşdırmada deyilir ki, Əhmədzadənin türkiyəli maqnatla əlaqəsi bəlli olmasa da, atası Əhməd Əhmədzadənin olub.
O, Azərbaycanın Meliorasiya və Su Təsərrüfatı Açıq Səhmdar Cəmiyyətinin (ASC) rəhbəridir. Bu şirkət ölkənin şimal-qərbində nəhəng su-elektrik bəndinin tikintisindən ötrü Cengizin tikinti konqlomeratı ilə kontrakt imzalayıb.
Beləliklə, hadisələrin xronologiyası belədir:
Azərbaycanın dövlət su şirkəti Cengizin tikinti şirkətinə nəhəng kontrakt verir;
Cengizin nəzarətində olan başqa bir şirkət ofşor şirkətə böyük məbləğdə ödəniş edir;
Ofşor şirkət Londonda dəbdəbəli mənzil alır və su şirkətinin oğlunun orada yaşamasına “icazə verir”.
Əlavə araşdırma aparılsa...
OCCRP sözügedən mənzilin rüşvət kimi verilməsinə birbaşa dəlil tapmayıb. Vremax sahibləri, bu şirkətin həqiqətən konsultasiya işi aparması, hansısa gəlir mənbəyinin olması da bəlli deyil.
“Bu işdə şübhə yaradan məqamlar var... siyasi əlaqələri olan şəxslər sərvət yığmaq məqsədilə, açıq izahat vermədən gizli şirkətlərdən istifadə edə bilərlər”, – Britaniyadakı “Transparency International” təşkilatının siyasət direktoru Dunkan Heymz deyir və uyğun dövlət qurumlarının əlavə araşdırma aparmasını gərəkli sayır.
Maliyyə cinayətləri üzrə müstəqil mütəxəssis Qraham Barrou bildirir ki, 3 milyon dollarlıq kontraktın məqsədi rezervuar sazişinə görə “mükafatlandırma”, Əhməd Əhmədzadəyə “şəxsən ödəniş” olunması ola bilərdi. Yəni, gizli yollardan keçirilən vəsaitə onun oğlu üçün Londonda mülk alınır.
OCCRP Cengiz Holdinqdən, Mehmet və Ekrem Cengizlərdən açıqlama ala bilməyib.
“Əhmədzadə ailəsinin Vremax-la əlaqəsi yoxdur”
Meliorasiya və Su Təsərrüfatı ASC-nin mətbuat xidmətindən bildirilib ki, Əhmədzadə ailəsinin Vremax-la əlaqəsi yoxdur.
“Sizə bildirmək istəyirik ki, məktubunuzdakı nəzəri ehtimallar yanlış təxminlərə söykənir”, – qurumdan bildirilib.
ASC-nin izahatına görə, gənc Əhmədzadə 2002-ci ildən Londondakı ünvanda kirayədə qalıb. “Bu müddət ərzində mülkiyyətin sahibi dəyişib, ancaq bu onun həmin ünvanda müvəqqəti yaşamasına təsir göstərməyib”, – məlumatda vurğulanıb.
“Sözügedən infrastruktur layihəsi isə Azərbaycan Respublikasının yurisdiksiyasına uyğun olaraq, beynəlxalq normalar çərçivəsində reallaşıb”, – mətbuat xidməti bildirib. /Azadliq.org

Oxşar xəbərlər

Deputat Ülvi Quliyevin oğlu Londonda 2 milyonluq borca düşüb - FOTOFAKT
Fazil Məmmədovun yaxın adamı Londonda şirkət açıb? – SƏNƏDLƏR
Gömrük generalının oğlunun İngiltərədəki şirkətləri - Fotolar
İcra hakimiyyəti "1 manatlıq" şirkətə milyonluq tenderlər verir - İcazə verin, şübhələnək...
Azərbaycanda sığorta şirkəti təyyarəyə görə milyonluq ödəniş etdi
Dünya ulduzu 18,5 milyon dollara villa alır - FOTO
Azərbaycanın ən böyük ixracatçı şirkətlərinin milyonlarla vergi borcu var – Siyahı, məbləğ
“Günay Sığorta” üzərində qara buludlar... - TƏFTİŞ OLUNUR
Daş 2 milyon dollara satışa çıxarıldı - FOTOLAR
Dövlət Vergi Xidmətindən ABSURD QƏRAR - milyonluq vergi borcu olan şirkəti 12,8 milyonluq tenderin qalibi etdi
Londonda saxladığı milyonları Zamirə Hacıyevadan niyə ala bilmədik - SƏBƏBLƏR
Talanan Azərbaycan: Əhmədzadənin müavini ərəb şeyxlərindən də varlıdır... - Fotofakt
Hüseynqulu Bağırovun gizlətdiyi yeni şirkətlər aşkarlandı – Siyahı
3 noyabr: Mədinədə dəhşətli qətl, Karib adalarının kəşfi və “Susurluq müəmması“
Nazirlik 1 milyon manatlıq dərman alır
"BakuBus" yarım milyon manatlıq geyim ALIR
Baş metroçunun milyonçu oğlu... - Londonda qurulan biznes imperiyası
AFAQ layihəsi çərçivəsində qadın fermerlərə dəstək göstərilir
Sabiq başçı ölkə xaricinə də böyük pullar çıxara bilib - Geri gətiriləcəkmi?
Kamillə Gülayın gizli boşandığı üzə çıxdı - Foto
Oğlu qızını öldürən icra nümayəndəsi İŞDƏN ÇIXARILDI
Koronavirus xəstələrində ölüm hallarını azaldan dərmanların adları AÇIQLANDI
Londonda Azərbaycan dilində “Bilik” məktəbi açılıb
Rövnəq Abdullayev  villasını  4 milyon dollara  satdı..-''SOCAR''ın PREZİDENTİ TƏLAŞDA-ŞOK VİDEO
Səfər Mehdiyevin ŞÜBHƏLİ TƏRƏFDAŞI
Xaricdən sifariş verənlərin nəzərinə! - VİDEO
“Metropoliten”də dağıdılan milyonlar - “Bu nəzarətsizlik bundan sonra davam edə bilməz…”