Mənsum İbrahimov şəhid olan qardaşı oğlundan DANIŞDI: - “Dedi ki, ölsəm, heç kim ağlamasın“
9-11-2020, 13:09
281

Mənsum İbrahimov şəhid olan qardaşı oğlundan DANIŞDI: - “Dedi ki, ölsəm, heç kim ağlamasın“

“Bizim 30 illik sınan qürurumuz Ali Baş Komandanın dünənki zəfər çıxışı ilə geri qayıtdı. Bütün dünya azərbaycanlıları dünən böyük bir zəfəri qeyd etdilər”.

Bunu açıqlamasında Xalq artisti Mənsum İbrahimov deyib. Müğənni Şuşanın işğaldan azad edilməsi münasibətilə xalqımızı təbrik edib:

“Əlbəttə, şəhidsiz müharibə olmaz və o şəhidlər bizim qəhrəmanlarımızdır. Çünki onlar vətən, torpaq uğrunda özlərini fəda etdilər. Mənim qardaşım oğlu İsrafil İbrahimov da vətən uğrunda şəhid oldu, o ölməyib. O, xüsusi təyinatlılarda idi. 30 gün döyüşdü və bacardığı qədər şəhidlərin qisasını aldı, Laçın dəhlizinə qədər getdi. Onun atası – Zülfüqar İbrahimov da qazidir. Biz ailədə yeddi qardaşıq, beşimiz Qarabağda döyüşmüşük. İsrafil qazinin şəhid oğlu oldu. Onun yasında izdiham vardı, 5000 adam iştirak edirdi. Orda atası müraciət etdi ki, “Mənim oğlum üçün heç kim ağlamasın, o, şəhidliyə yüksəldi. Özümə qismət olmadı, amma ona oldu”. Bu sözlərdən sonra bir qardaş kimi onunla fəxr etdim. Biz gözümüzü açandan o torpaqda doğulub böyümüşük. Hərəmiz öz sahəmizdə vətənimiz üçün çalışmışıq. Bu gün onların ruhu sözün əsl mənasında şaddır. Bütün xalqımızı qələbə münasibətilə təbrik edirəm. Ali Baş Komandanımızın rəhbərliyi ilə rəşadətli ordumuz bu gün dastan yazır. Şəhid olanlara Allahdan rəhmət, yaralılara şəfa diləyirəm. Bu gün hamı Prezidentimizin ətrafındadır, bu cür birlik heç vaxt millətimizdə olmayıb. İnanıram ki, tezliklə Ağdamımız, Laçınımız, Kəlbəcərimiz işğaldan azad olacaq, qələbəmiz tam olacaq. Mən də arzuladığım kimi Qarabağ şikəstəsini zəfər bayramında Şuşada ifa edəcəyəm”.

Xanəndə qardaşı Zülfüqar İbrahimovun Qarabağ uğrunda gedən döyüşlərdə şəhid olan oğlu barədə də danışıb. O, qardaşı oğlu ilə şəhid olmamışdan bir gün əvvəl danışdığını bildirib:

“Tez-tez onunla danışırdım. Üç gündən bir əlaqə saxlayırdıq, hər anı təhlükə idi, xüsusi kəşfiyyat diversiya qrupunda idi. Hər gün qardaşıma deyirdim ki, mənə ondan xəbər ver. Şəhid olmamışdan bir gün qabaq mənə zəng vurmuşdu. Biz ona İsi deyirik, soruşdum ki, “İsi, necəsən?” Cavab verdi ki, “Əmi, çox əlayam. Artıq dəhlizə yaxınlaşırıq, şəhidlərimizin qanını da almışam, İnşallah tezliklə bayrağımızı sancacayıq. Mən də ya qazi olacam, ya şəhid. Mən ölsəm, xahiş edirəm heç kəs ağlamasın”. Ondan bir gün sonra şəhid olduğu xəbərini aldıq. Qismət, nə deyə bilərik ki?”

Oxşar xəbərlər

Mənsum İbrahimovun qardaşı oğlu şəhid oldu - FOTO
İlk qadın şəhidimizin ailəsindən - Videoreportaj
“Artıq əsəblərimizlə oynayırlar” - Mənsum İbrahimov
Şəhid Milli Qəhrəmanın atası: “Şükür Həmidovun qanı doğulduğu torpağa tökülüb”
İki oğlu şəhid olan Zeynəb ana: “Təki Vətən sağ olsun!”
"8 noyabr zəfəri həm də bütün türk dünyasının zəfəridir" - deputat
“İtirdiyimiz torpaqları indi oğullarımız geri qaytarır” - Əsgər atası - Video
"Biz öz torpağımızda vuruşuruq" - Prezident
“İndi mikrofona yox, silaha sarılmaq vaxtıdır” - Oğlu və qardaşı ön cəbhədə olan sənətçi
"Habil müəllim deyirdi ki, öləndə kamançanı Ədalətə verəcəm, amma Ədalət ondan qabaq öldü"
Bir Zeynal şəhid oldu, digər Zeynal doğuldu (VİDEO)
Pənah Hüseyn cəbhəyə gedən oğlundan danışdı: “Bu da bir qismətdir...“
“Torpaqlarımız işğaldan azad olunana qədər...“ - İsa Qəmbər əsgərə məktub YAZDI
Qardaşım döyüşlərə könüllü qatılıb - Şəhid bacısı
Atası Ağdamda şəhid olmuşdu, özü Bərdədə öldürüldü
"Əli Həsənovun oğlu, Ramiz Mehdiyevin tost deyən kürəkəni də təlimlərə getməlidir" — Partiya sədrindən ÇAĞIRIŞ
“Şəhid analarına həsəd aparıram“ - Afaq Bəşirqızı
Şəhid ailələri və müharibə əlillərinə yeni evlər verilib
Şəhidlərin şəkillərinin avtomobillərdən çıxarılmasının SƏBƏBİ AÇIQLANDI
Bütün Azərbaycanı qürurlandıran topçunun atası oğlundan danışdı: Telefonu qucaqlayıb öpdüm...
Şəhid psixoloqun anası: “Hər gün o mahnını oxuyur, rəqs edirdi...” (VİDEO)
Professor oğlu olan universitet müəllimi külli miqdarda dələduzluqda ittiham olunur
Unibank şəhid Şahinin ailəsini himayəyə götürdü
"Bütün torpaqlarımız azad edilənə qədər Azərbaycan mübarizəyə davam edəcək"
Şəhid ailələri və müharibə əlillərinə evlər verilib
Dindən silah kimi istifadə etmək istədilər - Fiasko
“Şəhid ailələrinin heç bir şeyə ehtiyacı yoxdur”
Müharibə vaxtı Türkiyədə konsert verən Mətənət İsgəndərlidən AÇIQLAMA
“Həyat yoldaşım minaya düşüb kömür kimi yanmışdı“ - Gülüstan Əliyeva
Prezident: “İşğaldan azad edilən bütün bölgələrdə təftiş aparılacaq”