Prezident: Biz qəhrəman əsgər və zabitlərimiz hesabına qələbə qazanmışıq
24-11-2020, 11:45
88

Prezident: Biz qəhrəman əsgər və zabitlərimiz hesabına qələbə qazanmışıq

"Mən dəfələrlə demişdim ki, bizim üçün hərbi gücümüzün möhkəmləndirilməsi birinci məsələdir. Təsadüfi deyil ki, mənim prezidentlik dövrümdə bizim hərbi xərclərimiz hər il büdcə xərcləri arasında birinci yerdə idi. Mən deyirdim və ya vətəndaşlara izah edirdim ki, bəli, bizim çoxlu başqa məsələlərimiz var, həllini gözləyən problemlər var. Ancaq bizim əsas problemimiz torpaqlarımızın işğal altında olmasıdır”. 
Bunu Azərbaycan Prezidenti İlham Əliyev işğaldan azad edilmiş Ağdam şəhərinə səfəri zamanı çıxışında deyib. 
Dövlət başçısı bildirib ki, bizim xərclərimiz arasında birinci yerdə hərbi xərclər dayanır: 

“Biz lazım olan texnikanı aldıq. Bu texnikanı, müasir silahları Azadlıq meydanında dəfələrlə keçirilmiş paradlarda nümayiş etdirirdik. Biz ordumuzu inkişaf etdirərkən ən qabaqcıl meyilləri nəzərdən keçirmişdik. Biz o silahları alırdıq ki, bu silahlar bizim üstünlüyümüzü təmin etsin və İkinci Qarabağ müharibəsi bunu göstərdi.
Bu gün bir çox ölkələrdə, inkişaf etmiş ölkələrdə bizim təcrübəmiz öyrənilir. Bu gün bu məsələ ilə məşğul olan bir çox ekspertlər qeyd edirlər ki, Azərbaycan XXI əsrin müharibəsini aparıb. XXI əsrdə ilk dəfə olaraq, bu miqyasda və bu səmərə ilə qısa müddət ərzində tarixi nailiyyətlər əldə edilib. İndi buraya gələrkən mən ən azı üç müdafiə xəttini gördüm. Amma mənə hərbçilər tərəfindən verilən məlumata görə, beş müdafiə xətti var. Füzulidə də, həmçinin. Biz bu əsgər və zabitlərimizin qəhrəmanlığı, peşəkarlığı sayəsində müdafiə xəttini yarmışıq. Biz texniki cəhətdən ən müasir silahlarla təchiz edilmişik və İkinci Qarabağ müharibəsi bunu göstərdi, o videogörüntülər var. İndi onlar bir çox ölkələrdə öyrənilir və öyrəniləcək, hərbi kitablara salınacaq.
Eyni zamanda, biz ordumuzun döyüş potensialını gücləndirirdik. Çünki tam aydın idi ki, təkcə silahlarla qələbə qazanmaq mümkün deyil. Bayrağı qaldıran, bayrağı düşmənin mövqeyinə sancan, azad edilmiş torpaqlara sancan əsgərdir, zabitdir. Bizim əsgər və zabitlərimiz aslan kimi vuruşdular. Şəhidlər verdik. Allah bütün şəhidlərimizə rəhmət eləsin! Onların valideynlərinə Allah səbir versin! Yaralı hərbçilərimiz var, onlar da sağalırlar. Onların bir çoxu artıq sağalıb. Allah onlara şəfa versin! Biz qəhrəman əsgər və zabitlərimiz hesabına qələbə qazanmışıq. Təkcə Şuşanın işğaldan azad edilməsi əməliyyatı, əminəm ki, tarixdə əbədi qalacaq. Demək olar ki, yüngül silahlarla dərədən, meşələrdən, dağlardan keçərək əlbəyaxa döyüşdə düşməni məhv etdik, Qarabağın tacı olan Şuşanı azad etdik”.

Oxşar xəbərlər

“Ağdamın işğaldan azad edilməsi şanlı hərbi Qələbə nəticəsində mümkün oldu” - Ali Baş Komandan
“Biz Şuşanı döyüş meydanında qazandıq” - Ali Baş Komandan
"Bizim erməni xalqı ilə işimiz yoxdur" - Prezident
"Artıq strateji yüksəkliklər bizim nəzarətimizdədir” - Dövlət başçısı
"Biz öz torpağımızda vuruşuruq" - Prezident
“Rusiya Ermənistanın xəyal belə edə bilmədiyi silahlar göndərib”
Prezident Naxçıvan Muxtar Respublikası ilə Azərbaycanın əsas hissəsini birləşdirən yollardan DANIŞDI
“Hər şey plan üzrə gedir” - İlham Əliyev
“Silahlı birləşmələrimiz döyüş tapşırığını şərəflə yerinə yetirir”- Prezident
Düşmənin ağır silahları havadan və yerdən aşkar olunaraq məhv edilir
“Düşmən bütün hərbi cinayətlərə görə cavab verəcək” - İlham Əliyev - Video
İlham Əliyev: “Haradasan Avropa Şurası, niyə susursan?”
“Onları elə qovduq ki, dabanlarına tüpürüb qaçdılar” - Prezident
“Bu üç ölkə məgər imkanlara sahib deyil ki, aqressora öz yerini göstərsin? İstəmirdilər” - Azərbaycan Prezidenti
“Hər an müharibə başalaya bilər”
Ali Baş Komandan: “Yoxdur Ermənistan ordusu, biz onu məhv etmişik”
Ordumuz ermənilərin atıb qaçdığı daha bir neçə hərbi texnikanı ələ keçirdi - FOTOLAR
"Faktiki olaraq Minsk qrupu bir qrup kimi iflic vəziyyətə düşdü"
Prezident: “İşğaldan azad edilən bütün bölgələrdə təftiş aparılacaq”
“Səfirliklər ləğv edilsin, hərbi xərclər artırılsın" - 2021-ci ilin büdcəsi nəyə xərclənəcək?
“Bizim məscidlərimizdə donuz saxlayan özü donuzdur” – İlham Əliyev
İlham Əliyev erməni xalqına MÜRACİƏT ETDİ
"Həm cəbhədə, həm də siyasi arenada çox ciddi mübarizə gedir" - Prezident
Mehriban Əliyevadan cəbhədəki vəziyyətlə bağlı paylaşım
İlham Əliyev: O deməlidir ki, Ağdam, Kəlbəcər və Laçından geri çəkilir
"Ermənistan hökuməti şərtimə əməl edərsə..." - İlham Əliyev
Dağlıq Qarabağ münaqişəsi artıq arxada qalır - İlham Əliyev
Prezident şəhid ailələri ilə bağlı tapşırıq verdi
“İnhisarçılığa qarşı çox ciddi mübarizə aparılmalıdır” - Prezident
Prezident BBC-nin müxbirinə: “Ad çəkə bilmirsinizsə, deməli hekayə uydurursunuz”