“Qarabağ Azərbaycanın tərkibindədir, Ermənistan yalnız Laçın dəhlizindən istifadə edəcək” – Hərbi ekspert
1-12-2020, 11:10
211

“Qarabağ Azərbaycanın tərkibindədir, Ermənistan yalnız Laçın dəhlizindən istifadə edəcək” – Hərbi ekspert

“Rusiya Prezidenti Vladimir Putin dəfələrlə çıxışlarında bəyan edib ki, Qarabağ Azərbaycanın beynəlxalq səviyyədə tanınmış ərazisidir. Sülhməramlı qüvvələrin yüklərinin Azərbaycan və Rusiya arasında imzalanmış protokola uyğun Azərbaycan ərazisi ilə daşınması ölkəmizin ərazi bütövlüyünə və suverenliyinə hörmətin nümunəsi və nümayişidir. Eyni zamanda, Rusiyanın Qarabağı ölkəmizin tərkibində görməsidir. Ermənilərin separatçı rejiminin isə otuz il heç bir ölkə və təşkilat tərəfindən tanınmamasıdır. Bu, həm də Rusiyanın beynəlxalq hüquqa, Azərbaycanla strateji tərəfdaşlıq münasibətlərinə sadiqliyinin əyani göstəricisidir”.
Bu barədə ehtiyatda olan polkovnik Şair Ramaldanov bildirib.
O qeyd edib ki, Rusiyanın bu məsələ ilə bağlı nümayiş etdirdiyi mövqe Qarabağa humanitar yardım göstərmək istəyən beynəlxalq təşkilatlar üçün örnəkdir.
Hərbi ekspert vurğulayıb ki, Rusiyanın sülhməramlı qüvvələri Azərbaycan ərazisinə beş il müddətinə dəvət olunub və ərazidə fəaliyyət göstərəcəklər:
“Rusiyanın sülhməramlı qüvvələrinin əsas məqsədi azərbaycanlılarla və Azərbaycanda yaşamaq istəyən ermənilərin təhlükəsizliyini təmin etməkdir. Həm də ermənilərlə azərbaycanlılar arasında ola biləcək xoşagəlməz halların qarşısının alınmasıdır. Vətən müharibəsi yeni başa çatıb. Müəyyən təhlükəsizlik tədbirləri görmək üçün Rusiyanın sülhməramlı qüvvələri Qarabağda yerləşdirilib və onların fəaliyyəti ərazidə sülhü qorumaqdır”.
Ş.Ramaldanov qeyd edib ki, Azərbaycanın Qarabağ bölgəsində yerləşdirilmiş Rusiyanın sülhməramlı kontingentinin təminatı və humanitar yüklərin ölkəmiz vasitəsilə daşınması barədə Müdafiə Nazirliyimiz məlumat yayıb. Onun sözlərinə görə, bu kontingentin təminatı ilə bağlı Azərbaycan və Rusiya arasında imzalanmış protokola əsasən müvafiq fəaliyyətlər həyata keçirilir:
“Razılaşdırılmış hüquqi çərçivəyə uyğun Rusiya bölgəyə çatdırılacaq yüklərin məhz Azərbaycan vasitəsilə daşınmasını qərara alıb. Sülhməramlıların yerləşmə yerləri, onların yüklərinin marşrutu Azərbaycan tərəfi ilə razılaşdırılıb və yollar müəyyənləşdirilib. Bu yüklər beynəlxalq hüquq normaları və Azərbaycanın qanunları çərçivəsində respublikamıza daxil olur. Bütün fəaliyətlər müvafiq qurumların nəzarəti altında reallaşdırılır”.
Polkovnik söyləyib ki, üçtərəfli bəyanatın müddəalarına əsasən, Rusiya tərəfi müəyyən edilmiş kvotaya uyğun sülhməramlılarının Qarabağda yerləşdirilməsi ilə bağlı müvafiq tədbirlər görüb:
“Gələn sülhməranlı heyət və yük üçtərəfli bəyanatda qeyd olunan Rusiyanın 1960 sayda hərbi qulluqçusu, müvafiq sayda hərbi texnika, avtomobil və xüsusi texnikadan ibarət kontingentin bir hissəsidir. Bu kontingent Ermənistandan gəlməklə Laçın dəhlizi vasitəsilə Qarabağa daxil olub. Bəyanatın müddəalarının hamısı Azərbaycan tərəfi ilə razılaşdırılıb. Ölkəmizin mövqeyi və maraqları həmin sənəddə əksini tapıb. Rusiyanın sülhməramlı qüvvələrinin funksiyalarının icrası üçün logistika və təminat məsələri həll olunmalıdır. Azərbaycanın müasir nəqliyyat-logistika infrastrukturu belə əməliyyatların həyata keçirilməsi üçün əlverişlidir”.
Hərbi ekspert məlumat verib ki, yüklərin digər hissəsi Rusiyadan Azərbaycanın şimal sərhəd məntəqələrindən keçməklə gətirilir:
“Ermənistanın silahlı birləşmələri Azərbaycanın işğal altındakı digər əraziləri tərk edir. Rusiyanın sülhməramlılarının fəaliyyəti üçün müəyyən infrastruktur bərpa olunmalı, avadanlıqlar gətirilməlidir. Rusiya Ermənistanla həmsərhəd deyil. Yüklərin təyyarələrlə daşınması, sonra isə buraxılış imkanları məhdud Laçın dəhlizi ilə Qarabağa çatdırılması vaxt itkisinə və böyük məsrəfə səbəb olur. Müəyyənləşdirilmiş razılıq əsasında ərazidəki Rusiya sülhməramlılarının təminatı üçün orada tibbi məntəqələr olacaq. Qarabağ Ermənistan sərhədindən təxminən otuz-qırx kilometr aralıda olmaqla Azərbaycanın tərkibindədir. Ermənistan yalnız Laçın dəhlizindən istifadə edəcək. Bu baxımdan düşünürəm ki, Prezidentin atdığı addımlar Azərbaycanın maraqlarına tam uyğundur və ərazi bütövlüyümüzün bərpasının təminatına yönəlib”.
Ş.Ramaldanov deyib ki, zəmanət kimi, Türkiyə hərbçilərinin Qarabağda atəşkəsə nəzarət üzrə monitorinq mərkəzində yer alması və sülhməramlı vəzifəsini icra etmək üçün Azərbaycanda yerləşdirilməyə hazırlığı qardaş ölkənin bizə növbəti dəstəyinin göstəricisidir:
“Bütün bu proseslər istədiyimiz hədəflərə çatmaq üçün bizə şərait yaradır. Əsas vacib məqam odur ki, Türkiyə kimi dünyada nüfuzu olan dövlət bu məsələdə bizimlə həmrəydir".

Oxşar xəbərlər

Rusiya sülhməramlıları üçün yüklər niyə dəhlizlə yox, Azərbaycan ərazisindən daşınır? - ŞƏRH
“Ermənistan bütün şanslarını itirir” - General-mayor
Rusiya sülhməramlıları Qarabağa yola düşüblər
Sergey Şoyqu Ermənistandadır
Rusiyanın sülhməramlı qüvvələri Qarabağda - Video
Rusiya sülhməramlılarından ibarət 10-cu təyyarə Dağlıq Qarabağa yola düşdü
"Rusiya Azərbaycanın faydalı əlaqələrə malik olduğu əsas tərəfdaş ölkələrdəndir"
Rusiya Qarabağda niyə ev tikir?
Hərbi ekspert: "Qarabağda hər hansı erməni bundan sonra...”
Ermənilər Rusiyanı günahlandırır - Video
“Rusiya prezidenti açıq şəkildə deyir ki...” – Politoloq
Ermənilərin Dağlıq Qarabağ manipulyasiyası əllərindən alınır
Rusiyalı sülhməramlıların daha 20 təyyarəsi İrəvana endi
Laçın dəhlizindəki sülhməramlıların yeni VİDEOSU yayıldı
Hər şey Qarabağda məhv edildi: İrəvan özü müdafiəsizdir
“Əsəd istəməsə Rusiya Suriyadan çıxacaq” - Putin Türkiyəyə dolayısı ilə etiraz etdi
Ermənilər rusiyalı hərbi ekspertləri öldürməklə hədələyirlər
Xankəndində qurumlararası humanitar mərkəz fəaliyyətə başladı
Sülhməramlılar Gorusdan Dağlıq Qarabağa yola düşüb
"Erməni əsgərləri ya bütün Azərbaycan ərazilərini tərk edəcək, ya da məhv ediləcəklər"
Putin Təhlükəsizlik Şurasının iclasında Qarabağı müzakirə edib
RF Müdafiə Nazirliyi: Qarabağda təmas xətti boyunca atəşkəs müşahidə olunur
Rus sülhməramlılar hansı halda silahdan istifadə edə bilər? (ŞƏRH)
“Ermənistan hökumətinə real siyasi təzyiq...” - Amerikalı ekspert
Yerevanda anti-Rusiya kampaniyası genişlənir
“Putin münaqişənin məhz hərbi yolla həllini ehtimal edirdi”
“Bütün Dağlıq Qarabağ Azərbaycana qaytarılır” - VİDEO
Putinin son açıqlaması ermənilərə bu mesajı verir... - Politoloq
Ermənilərin meyitləri təhvil verildi
Kremldən rus sülhməramlılarının Qarabağa gətirilməsi ilə bağlı AÇIQLAMA