Paşinyanı bu adamla əvəz etmək istəyirlər: Gizli plan
2-12-2020, 10:38
165

Paşinyanı bu adamla əvəz etmək istəyirlər: Gizli plan

Ermənistanın baş naziri Nikol Paşinyanın noyabrın 30-da Rusiya paytaxtı Moskvaya səfərinin nəzərdə tutulduğu öncədən elan edilsə də, məlum olub ki, səfər baş tutmayıb. Bildirilib ki, səfərin ləğv olunmasının səbəbi Nikol Paşinyanın Rusiya rəhbərliyi ilə yüksək səviyyəli görüş imkanı əldə edə bilməməsi ilə bağlıdır.
Siyasi təhlilçilər hesab edir ki, Paşinyanın Rusiya səfərinin baş tutmaması böyük ehtimalla Vladimir Putinin onunla görüşmək istəməməsi ilə əlaqədardır.
Rusiyaya səfər edib Putinlə görüşə bilməmək Paşinyan üçün ciddi uğursuzluq olacaqdı və bu hadisə Ermənistanda ona qarşı olan qüvvələri daha da ruhlandıracaqdı. Görünür, baş nazir bunu nəzərə alıb və Moskvaya getməyib.
O da istisna deyil ki, Putin Paşinyanla görüşmək istəmədiyini nümayiş etdirməklə “səni qəbul etmirik, artıq getməyin vaxtı çatıb” mesajını verib.
Təsadüfi deyil ki, Kremlin Paşinyandan imtina etməsi, onun yerinə başqa namizəd axtarışında olduğu, hətta tapdığı haqda iddiaları da meydana gəlib. Hakimiyyəti Milli Təhlükəsizlik Xidmətinin keçmiş rəhbəri Artur Vanetsyana ötürməklə bağlı gizli danışıqlar barədə məlumatlar yayılıb. Anti-Paşinyan hərəkatının təşkilatçılarından biri olan Vanetsyan onun üçtərəfli bəyanata imza atmasını “satqınlıq” hesab edir, buna baxmayaraq, onun bütün bəndlərinin yerinə yetirilməsini zəruri hesab edir. Ekspertlərin fikrincə, Kremlə bu mənada Vanetsyan sərf edir.
Politoloq Zaur Məmmədov “Yeni Müsavat”a bildirdi ki, Paşinyanın Rusiyaya səfərinin reallaşmaması böyük ehtimalla Moskvanın sonda mənfi cavab verməsi ilə əlaqədar olub. Çünki Nikol Paşinyan Rusiya ilə bağlı yenə qırmızı xətti keçib. Belə ki, onun ətrafında olan hökumətə işləyən trol qruplar, KİV-lər Rusiyaya qarşı ciddi şəkildə təbliğata başlayıblar. İkincisi isə Ermənistan daxilində baş verənlər göstərir ki, Paşinyan tezliklə hakimiyyətdən gedə bilər və ona görə də Vladimir Putinin Paşinyana vaxt ayırması, onu qəbul etməsi onun hakimiyyətini möhkəmləndirərdi. Bunu isə görünür, Moskva istəmir. İndiyə qədər Rusiyanın Paşinyanla bağlı səbir nümayiş etdirməsinin əsas səbəbi dekabrın 1-nə kimi Ağdam, Kəlbəcər və Laçın rayonlarının Azərbaycana qaytarılması ilə əlaqədar idi. Hazırda bu rayonlar Azərbaycana qaytarılıb və bundan sonra əsas məsələlərdən biri qarşıdakı dövrdə Rusiyaya yaxın olan şəxsin Ermənistanda hakimiyyətə gətirilməsi olacaq".
Politoloq qeyd etdi ki, müvəqqəti hökumət qurula bilər və bundan sonra seçkilər keçirilməsi ehtimalı böyükdür: “Müvəqqəti hökumətə o şəxs başçılıq edə bilər ki, Ermənistan cəmiyyətində kifayət qədər ciddi imicə malik olsun, yaxud da seçkidə komandası iştirak etməyəcək. Ya keçmiş prezident Levon Ter-Petrosyan, ya hazırkı prezident Armen Sərkisyan müvəqqəti hökumətə başçılıq edərək seçkiləri keçirə bilər. Amma seçkilərdən sonra Ermənistanın yeni baş nazirinin seçilməsində hazırda bir neçə namizədin adı daha çox çəkilir. Onlardan biri də Ermənistanın Təhlükəsizlik Xidmətinin keçmiş rəhbəri Artur Vanetsyandır. Artur Vanetsyan Rusiyada FTB Məktəbində oxuyub və Moskvaya yaxın şəxsdir”.
Politoloq Məhəmməd Əsədullazdə isə hesab edir ki, Rusiya və Ermənistan arasında mövcud əlaqələr bir müddət davam edəcək. Lakin Putin Qarabağla bağlı durumu stabilləşdirəndən sonra Ermənistanda daxili siyasi vəziyyəti gərginləşdirməyə çalışacaq: “Paşinyanın apardığı siyasət Rusiyanı qane etmir və onun hakimiyyətdə olması Moskvanın geosiyasi maraqlarını təhdid edir. Amma Ermənistan əhalisi ölkədə növbəti rusiyayönlü bir sistemin qurulmasında maraqlı deyil. Rusiyanın Ermənistanda məhz indi siyasi hakimiyyəti dəyişməsi gərginliyə gətirib çıxarar. Ona görə də, məncə, Moskvanın Paşinyanı dəyişmək planı hələ bir müddət reallaşmayacaq. Lakin bu o demək deyil ki, plan təxirə salınacaq”.

Oxşar xəbərlər

Putin Paşinyanı niyə rədd etdi? – Sarkisyanın Moskva səfərinin pərdəarxası
Peskovdan Paşinyanın Putinlə bağlı açıqlamasına Reaksiya
Putin Paşinyanı niyə devirmək istəyir? (ŞƏRH)
Bu gün Ermənistanda Paşinyanın istefa tələbi ilə yürüş keçiriləcək
Ermənistanın müdafiə nazirinin Rusiyaya səfərinin əsl məqsədi bəlli olub
Nikol Paşinyan bitib…
Putin də Paşinyandan üz çevirdi – Moskva səfəri ləğv olundu
Putin İrəvana əliboş gəlmir: Nələr olacaq?
Moskvada Paşinyana əvəz axtarırlar: Nikol Kremlin bütün şərtlərinə hazırdır
Lavrov və Şoyqu Ermənistana gedir
Paşinyanın ailəsi Kanadaya qaçdı
Yerevandakı aksiya nəzarətdən çıxır: Etirazçılar Paşinyanı linç etmək istəyir
Ermənistanda Kremli razı salacaq hökumət qurulur - Rusiya elitası ilə fəal müzakirələr aparılır
Paşinyan bunkerdə gizlənir, ailəsi isə...
Paşinyan bu dəfə Putinə məktub yazdı
Moskvanın cavabı erməniləri pərt edib
Putindən Şuşa ilə bağlı maraqlı açıqlama
Paşinyan xilasına çalışır: "Qarabağ kartı" ilə
Paşinyan hər gün Putinin zəhləsini tökür - Ermənilər AÇIQLADI
Paşinyanın istefaya gedəcəyi tarix - 6 dekabr
Paşinyan Ermənistanı məhv edir – Rusiya KİV
“Paşinyan artıq siyasi meyitdir“ - Politoloq
Paşinyan kömək istədi, Rusiya "yox" dedi
Ermənistanın bütün sərhədləri Rusiyaya verildi - Əsgərsiz qalan Paşinyanın "çıxış yolu"...
Paşinyan daha əvvəlki tək “asıb-kəsmir”: Bəs nə oldu?..
Çarukyanın deputatları Moskvadan “susqun” qayıtdılar
Lavrov Putinin mesajını çatdırdı: Hər zaman yanınızdayıq
“Paşinyan üçün “möcüzə” Rusiya desantlarının...” – Rus ekspert
Paşinyanı niyə istefaya göndərə bilmirlər? - Yeganə çıxış yolu...
ABŞ-dakı konsulumuz Paşinyanı belə qarşıladı