Rusiyada şəxsi təyyarəsinin qəzaya uğraması nəticəsində dünyasını dəyişən Yevgeni Priqojinin qurduğu “Vaqner” qrupu Afrika və Belarusda fəaliyyətini davam etdirdiyini açıqlayıb.
 
Xarici media xəbər verir ki, bu barədə Priqojinə aid “Konkord” şirkətinin sosial media hesabından məlumat verilib. “Vaqner Qrup Mətbuat Xidməti” adından verilən açıqlamada muzdlu döyüşçü qrupunun Afrika və Belarusda fəaliyyətini davam etdirdiyi bildirilib.
Açıqlamada qeyd olunub ki, şirkətin bağlanmasından söhbət gedə bilməz. Özəl hərbi şirkətin komandanlığı hələ də ona verilən bütün vəzifələri yerinə yetirir və şirkəti idarə edir.