Braziliyada yaşayan aktrisa və model Sabina Boqiçi faciəli şəkildə həlak olub.
Lent.az-ın xarici mediaya istinadən xəbərinə görə, Sabina məşhur kolleksioner və milyoner Jan Boqiçinin yeganə varisi idi.
Sabina Boqiçi öz mənzilinin pəncərəsi altında ölü tapılıb. O, beşinci mərtəbədən yıxılaraq həyatını itirib.
Polis Sabinanın intihar etdiyini düşünür, çünki onun evində ərinə yazılmış məktub tapılıb. 2022-ci ildə Sabina və ərinin adı cinayət işində hallanıb. O, öz 82 yaşlı anasından dələduzluq yolu ilə 150 milyon dollar və ləl-cəvahirat oğurlamışdı. Ana qızını polisə şikayət etmiş və o saxlanılmışdı.
Maraqlıdır ki, həmin vaxt qoca ana bir ekstrasens tutmuş, o da Sabinanın tezliklə öləcəyini demişdi. Sonra qəzetlər ekstrasensi Sabinanın öyrətdiyini yazmışdılar. Sabina anasının rəhmə gəlməsi nəticəsində ev dustaqlığına buraxılmışdı və bu gün məhkəməsi olacaqdı.