Türkiyə Rusiya vaksinindən niyə imtina etdi? - Nazirdən AÇIQLAMA
10-12-2020, 10:40
116

Türkiyə Rusiya vaksinindən niyə imtina etdi? - Nazirdən AÇIQLAMA

Türkiyə Rusiyadan koronavirus vaksini almayacaq. Bunu Türkiyənin səhiyyə naziri Fəxrəddin Qoca deyib.
Nazir bildirib ki, Rusiyada istehsal olunan vaksin “Etibarlı laboratoriya praktikası” (beynəlxalq standartdır; ingiliscə: “Good laboratory practice” – GLP) şərtlərinə cavab verməyib: “Rusiya bu işin öhdəsindən gələ bilmədi. Bu səbəbdən Dünya Səhiyyə Təşkilatının və dünya ölkələrinin bu vaksini alması mümkün deyildi. Bizdə də bu vaksinə lisenziya verilməsi mümkün deyil. Ona görə Rusiya vaksini artıq bizim maraq dairəmizdən çıxıb”.
Fəxrəddin Qoca deyib ki, Türkiyə dövləti bu aydan ölkədə koronavirusa qarşı kütləvi vaksinasiyaya başlamağı, gələn ilin yayınacan 50 milyon vətəndaşın peyvənd olunmasını planlaşdırır.
Peyvəndləmə zamanı bir nəfərə fasilələrlə iki dəfə, yəni iki dozada vaksin vurulduğuna görə 50 milyon adamı peyvənd etdirmək üçün 100 milyon dozada vaksin lazımdır.
Novator.az-ın yazdığına görə, Fəxrəddin Qoca artıq 50 milyon doza vaksin almaq üçün Çinin “Sinovac” şirkəti ilə müqavilə bağlandığını, daha 25 milyon dozada vaksin almaq üçün isə ABŞ-ın “Pfizer” və Almaniyanın “BioNTech” şirkətləri ilə danışıqlar aparıldığını bildirib.
Xatırladaq ki, Çinin “Sinovac” şirkətinin koronavirus əleyhinə vaksini “CoronaVac” adlanır.
“Pfizer” və “BioNTech” şirkətlərinin birgə hazırladığı vaksinin adı mediada əsasən “Pfizer”-“BioNTech” kimi hallanır. Bu vaksini türk alimləri Uğur Şahin və onun həyat yoldaşı Özləm Türəci kəşf ediblər.
Uğur Şahin və Özləm Türəci Almaniyada yaşayırlar, “BioNTech” şirkətinin sahibirlər. Uğur Şahin həm də “BioNTech”in baş direktoru, Özləm Türəci isə baş həkimidir.
“Pfizer” şirkəti koronavirus əleyhinə vaksinin hazırlanması prosesində əsasən hüquqi, texniki, maliyyə işlərini həyata keçirir. Birbaşa laborator şəraitdə vaksini hazırlayan, kəşf edən Uğur Şahin-Özləm Türəci cütlüyü, onların başçılığı altında çalışan alimlər qrupudur.
Artıq Böyük Britaniyada “Pfizer”-“BioNTech” vaksininə rəsmi lisenziya verilib və bu vaksinlə əhalinin kütləvi peyvəndlənməsinə başlanıb.
İndiyədək Rusiyada koronavirus əleyhinə iki vaksin hazırlanıb: “Sputnik V” və “EpiVacCorona”.
Türkiyənin səhiyyə naziri Fəxrəddin Qoca “HaberTürk”ə müsahibəsində konkret ad çəkməsə də, onun ilk növbədə “Sputnik V” vaksinindən danışdığı bəllidir.
Rusiya “Sputnik V” vaksininin klinik sınaqlardan uğurla keçdiyini, könüllülərə vurularkən 95 faiz effekt verdiyini bəyan edib. Bəzi alimlər bu bəyanata şübhə ilə yanaşsalar da, dekabrın 2-də Rusiya prezidenti Vladimir Putin ölkədə “Sputnik V” vaksini ilə kütləvi peyvəndləməyə başlamağı tapşırıb.
Vaksin sınaqları hələ bitmədiyindən indiki mərhələdə Rusiyada yalnız koronavirusa yoluxma riski yüksək olanlara peyvənd vurulması qərara alınıb.
Hazırda Rusiyada xroniki xəstəlikləri olmayan 61 yaşadək şəxslərə, onların da arasında ilk növbədə səhiyyə, təhsil işçilərinə, sosial sektorda çalışanlara “Sputnik V” vaksini ilə peyvənd olunmaq təklif edilir.
Rusiyada peyvənd vurdurmaq könüllüdür. “Sputnik V” vaksini ölkə vətəndaşları üçün pulsuzdur.
Türkiyə rəsmiləri pandemiyanın ilk dönəmində əsasən Rusiya və Çin vaksinlərinə maraq göstərdiklərini bildirirdilər. Həmin dövrdə Türkiyənin Rusiyadan koronavirus əleyhinə peyvənd ala biləcəyi də deyilirdi.
2019-cu ilin dekabr ayında Çində üzə çıxıb dünyanı bürüyən koronavirus infeksiyası 196 ölkə, ərazi və məkanda 1 milyon 573 mindən çox adamın ölümünə səbəb olub.
Türkiyədə bu infeksiyadan ölənlərin sayı 16 minə yaxınlaşıb.

Oxşar xəbərlər

Türkiyə Çin və Rusiyadan vaksin almağı planlaşdırır
Müəllim və həkimlərə peyvənd vurulacaq
Çində koronavirus əleyhinə qəribə vaksin sınaqdan keçirilir
Bu peyvəndin ciddi təsirə malik olduğu təsdiqlənib
Virusla bağlı kritik məqam: - “Azərbaycanda ilk dalğa hələ bitməyib”
Türkiyədə 40 könüllü vaksinasiyadan keçdi
“Heç kəs məcburi şəkildə vaksinasiya edilə bilməz” - İnfeksionist
Koronavirus peyvəndi pulsuz və könüllü olacaq
ÜST Rusiyanın koronavirus vaksininə müsbət rəy verib
Zəngin ölkələr ehtiyacından artıq vaksin alır
Türk alim koronavirus vaksininin hazır olacağı vaxtı açıqladı
Azərbaycan koronavirus peyvəndini hansı ölkədən alacaq? - TƏBİB-dən açıqlama
Türkiyədə koronavirusdan ölənlərin sayı 4 800-ü keçdi
Azərbayan Rusiyanın vaksinini alsınmı?
ÜST-dən koronavirus əleyhinə peyvəndlə bağlı AÇIQLAMA
TƏBİB: Peyvənd istehsal edən ölkələr və təşkilatlarla ikitərəfli danışıqlar aparılır
TƏBİB-dən Rusiya peyvəndi ilə bağlı açıqlama
Vaksin hazırdır - Rusiya RƏSMƏN AÇIQLADI
Koronavirus vaksini noyabrda istifadəyə verilə bilər
Türkiyə rəsmisi “The New York Times”a xəbərdarlıq etdi
Rusiyada koronavirusa qarşı peyvəndin istehsalına başlanılıb
Azərbaycana qrip əleyhinə vaksin gətirilir
“Azərbaycanda yoluxma sayında artımı oktyabrda görə bilərik” — İnfeksionist
Rusiyanın virusa qarşı peyvəndi hamilə qadınlar üçün təhlükəlidirmi?
Azərbaycan Rusiyadan koronavirus dərmanı ala bilər
Dünyada bir gündə 677 min nəfər koronavirusa yoluxub
“COVID-19-a yoluxub sağalmış insan 90 günə virus yayır” - Rusiyanın Baş həkimi
Rusiyada bir gündə 108 nəfər virusdan öldü
Tramp söz verdi: Vaksin 24 saat ərzində ölkənin bütün ərazilərinə çatdırılacaq
“Bu, bölgədə sülh üçün atılan ən böyük addımdır” - Çavuşoğlu