Rusiyada polis rəisi koronavirusdan öldü

Rusiya paytaxtının Daxili İşlər İdarəsinin Qərb dairəsi üzrə post-patrul xidmətinin rəisi İqor Xvenko koronavirusdan ölüb. Onun işdə yoluxduğu ehtimal edilir.
Bu barədə “Baza” “Telegram” kanalı xəbər yayıb.
Mənbə bildirir ki, bir neçə həftə əvvəl idarədəki bütün rəhbərlik COVID-19 testi müsbət çıxan əməkdaşa görə karantinə göndərilmişdi.
Həmin vaxt ictimai asayişin qorunması üzrə rəis müavini olan Vyaçeslav İvanov xəstələnmişdi. O, bütün rəhbərliklə ünsiyyətdə olmuşdu. Məsələ burasındadır ki, V.İvanov idarədə koronavirus üzrə qrupa rəhbərlik edib. Hazırda o, artıq sağalıb.
İ.Xvenko isə xəstəliyi ağır keçirib, ağciyərlərin süni ventilyasiyası aparatına qoşulub. Onun həyatını xilas etmək mümkün olmayıb.