Ermənistan Xudavəngin eksponatlarıyla sərgi keçirir - Nazirlikdən bəyanat
15-12-2020, 22:25
141

Ermənistan Xudavəngin eksponatlarıyla sərgi keçirir - Nazirlikdən bəyanat

27 sentyabr – 10 noyabr tarixlərində davam edən Vətən müharibəsində Azərbaycan Ordusunun qazandığı zəfərin nəticəsi olaraq Kəlbəcər rayonu da noyabrın 25-də Ermənistan işğalçı qüvvələrindən azad edilib.

Mədəniyyət Nazirliyindən verilən məlumata görə, işğalçı qüvvələr Kəlbəcər rayonunu tərk edərkən Xudavəng monastır kompleksinin talan edilərək kompleksə məxsus olan xaçların, zənglərin və digər elementlərin Ermənistana daşındığı barədə məlumatlar yayılıb.

Bu günlərdə Ermənistan mediasında yer alan xəbərlər bunu təsdiq edir. Bildirilir ki, dekabrın 16-da Ermənistan paytaxtındakı Xalq Sənətləri Muzeyində “Dadivankdan Yerevana” adlı satış-sərgi keçiriləcək (//bit.ly/3qXSesb). Sərgidə Dadivank (Xudavəng) monastır kompleksindən gətirilmiş Bibliya, xaçlar, ikonalar, suvenirlər, həmçinin kitablar, fotoalbomlar nümayiş olunacaq. Həmçinin Dağlıq Qarabağ ermənilərinə yardım məqsədilə kulinariya və şirniyyat məhsullarının satışı keçiriləcək.

Azərbaycan Respublikasının Mədəniyyət Nazirliyi yayılan bu məlumatlarla bağlı bir daha diqqətə çatdırır ki, UNESCO-nun 1970-ci il Konvensiyası mədəniyyət sərvətlərinin qanunsuz olaraq gətirilməsinin, çıxarılmasının və onların üzərində mülkiyyət hüququnun başqasına verilməsinin qadağan edilməsinə və qarşısının alınmasına yönəldilmiş tədbirləri, eləcədə 1954-cü il Haaqada qəbul edilən “Silahlı münaqişələr zamanı mədəni abidələrin qorunmasına dair Konvensiya”sı işğalçının üzərinə işğal edilmiş ərazilərdə mülkiyyətin oğurlanmasının qarşısının alınması istiqamətində addımlar atma öhdəliyi qoyur. Xüsusilə Ermənistanın Azərbaycan torpaqlarını işğalı kontekstində Haaqa Konvensiyasının İkinci Protokolunun 9-cu bəndi işğalda iştirak edən tərəfin “işğal edilmiş ərazilərə münasibətdə” mədəni mülkiyyətin qanunsuz ticarəti, bu ərazilərdən çıxarılması, abidələrin mədəni, tarixi və ya elmi sübut xüsusiyyətinin dəyişdirilməsi və ya dağıdılmasının qadağan etməsi və qarşısının almasını təsbit edir.     

Bildiririk ki, Mədəniyyət Nazirliyi tərəfindən bu məsələ ciddi nəzarətdə saxlanılır və Ermənistan tərəfinin qeyri-qanuni fəaliyyətləri barədə beynəlxalq təşkilatlar mütəmadi olaraq məlumatlandırılır və bu kimi mənimsəmə faktları ilə bağlı zəruri hüquqi prosedurların tətbiqi üçün tədbirlər görüləcək. Eyni zamanda beynəlxalq təşkilatları, xüsusilə UNESCO-nu  bu faktlara hüquqi qiymət verməyə və Ermənistanın Azərbaycan ərazisindəki tarixi-mədəni irsə qarşı törətdiyi müharibə cinayətlərini araşdırmağa çağırırıq.

Məlumat üçün bildidirik ki, Kəlbəcər rayonunun Vəng kəndi ərazisində Xudavəng monastır kompleksi qədim Azərbaycan dövləti olan Qafqaz Albaniyasının xristian memarlığının ən böyük və ən gözəl abidələrindən biridir.

Qeyd edək ki,  Kəlbəcər rayonu 1993-cü ildə Ermənistan tərəfindən işğal olunduqdan sonra Xudavəng monastır kompleksi erməni abidəsi kimi dünyaya təqdim edilməyə başlanıb.

Oxşar xəbərlər

Kəlbəcərdə yerləşən Qırmızı monastır məhv olmaq üzrədir
Kəlbəcəri sonuncu ermənilər də tərk etdi – VİDEO
Ermənistan ordusu Ağdam rayonunu tam boşaldıb – RƏSMİ
Ermənistan təxribatının məktəblərə vurduğu ziyan
Ordumuz dekabrın 10-da keçiriləcək parada hazırlaşır - VİDEO
Ermənilər Laçını tərk edir
Bu da Kəlbəcər Polis Şöbəsinin binası - Foto
Ermənilər Laçından qaçır - BBC
Heydər Əliyev Mərkəzində Xalq rəssamı Fərhad Xəlilovun fərdi sərgisi açılıb
Bakıda Vətən müharibəsi memorial kompleksi yaradılacaq - Sərəncam
“Zod qızıl yatağının yarısı Azərbaycan ərazisinə düşür” - Paşinyan
Kəlbəcər azaddır - Ordumuz rayona daxil oldu
Kəlbəcərdə bayrağımız yüksəldildi - VİDEO
Azərbaycan Ordusu Kəlbəcərə daxil olmağa başlayıb – Türk mediası
Ermənistan təkcə tanklara görə bu qədər pul itirdi - QİYMƏT
Ermənistanın acı etirafı
Baş Prokurorluq Gəncə terroru barədə 6 dildə videoçarx hazırlayıb
Laçını tərk edən ermənilər apara bilmədikləri heyvanları öldürürlər - FOTO
Azərbaycandan Ermənistanla bağlı SƏRT AÇIQLAMA: "Əvvəl-axır işğalçı cavab verəcək"
Ermənistan qoşunlarının Ağdam, Kəlbəcər və Laçından çıxarılması davam edir
İcma qondarma "seçkilərlə" bağlı bəyanat yaydı
Türkiyə və Rusiya müşahidə mərkəzi ilə bağlı razılaşma imzaladılar
İşğalçı Ermənistan ordusu bu torpaqlarımızdan çıxır? – Erməni mətbuaatı yazır...
Azərbaycan polisləri Kəlbəcərdədir - VİDEO
Ermənistan ordusunun məşhur snayperi məhv edildi (VİDEO)
Kəlbəcəri Ermənistana birləşdirəcək yolun tikintisi başlandı – Foto
Ordumuz Kəlbəcərə bu istiqamətlərdən DAXİL OLUB
“Hər fürsətdə dinc əhaliyə işgəncə verib, qətlə yetiriblər” – Millət vəkili
Ermənilər Kəlbəcəri turizm mərkəzinə çevirir - Foto
Ermənistan 10 min hərbçisini itirib - General açıqladı