ABŞ-nin İndiana ştatında dəhşətli ailə faciəsi baş verib. 
3 yaşlı oğlan anasının çantasından tapdığı silahla 24 aylıq qardaşını güllələyib.  
Hadisədən dərhal sonra ana polisə zəng edərək oğlunun kiçik qardaşını güllələdiyini bildirib. Adı açıqlanmayan ana yaralı uşağını təcili xəstəxanaya çatdırsa da, edilən müdaxilələr iki yaşlı körpəni xilas etmək üçün kifayət etməyib.
Məhkəmə tibb ekspertizası hadisənin bədbəxt hadisə olduğunu müəyyən edərkən, prokurorluq araşdırmaların davam etdiyini bildirib. 
Uşaqların anasına qarşı heç bir ittiham irəli sürülməyib.