“Rusiya Ermənistanı yeni müharibəyə hazırlayır” - İddia
28-12-2020, 19:22
147

“Rusiya Ermənistanı yeni müharibəyə hazırlayır” - İddia

“Qarabağda son günlər baş verənlər "sülhməramlıların" hansısa özbaşınalığı və ya başqa bir şey yox, Azərbaycanın suverenliyinə qarşı aparılan sistemli və planlı fəaliyyətin təzahürləridir”.
Bunu politoloq Ərəstun Oruclu deyib. O, bildirib ki, buna başqa sözlə "sürünən müharibə" də demək olar. 
“Amma çox təəssüf ki, Azərbaycanda bu haqda rəsmi dairələrin mövqeyini əks etdirən bircə açıqlama belə verilmir. Halbuki rus ordusu tərəfindən açıq himayə onunan erməni təxribatçıları Azərbaycana qarşı həm ideoloji, həm də silahlı mübarizəni günü-gündən gücləndirirlər. Artıq şəhid və yaralananlarımız da var.
Azərbaycan mediasının fəaliyyətini izlədikdə Rusiyanın ünvanına hətta tənqidə də qadağa qoyulması təəssüratı yaranır. Bu da öz növbəsində Rusiyaya məkrli planlarını həyata keçirməyə açıq dəstək vermək deməkdir.
Sual olunur ki, Azərbaycanın hakimiyyət dairələrində belə bir davranışın ölkənin milli təhlükəsizliyinə təhdid və hətta dövlətə xəyanət olduğunu və ölkənin taleyinə görə məsuliyyət daşıdıqlarını anlamırlar?
Suala istənilən cavabdan asılı olmayaraq, nəticə bir ay əvvəl dediklərimizdən fərqli olaraq, bu gün göz qabağındadır və artıq hər kəs üçün aydındır. Nəticə isə budur ki, Rusiya Azərbaycana təsirini sürətlə artırmaqdadır.
Amma təəssüf ki, hətta bu, şəraitdə də Rusiyanı müdafiə etmək məqsədilə ona qarşı çıxanları hədəfə alanlar da az deyil. Onların arasında hadisələri görə bilməyənlərlə yanaşı, sifariş icra edənlər yetərincədir.
Bu da məlumdur ki, Qarabağdakı "sülhməramlılar"ın komandanlığı heç bir halda öz istəyilə bir addım da ata bilməz. Bütün təlimatlar Moskvadan verilir və Rusiyanın geosiyasi planlarına xidmət edir. 
Mövcud vəziyyətdə Azərbaycan hakimiyyətinin susması və heç bir effektiv addım atmaması məsələyə siyasi partiyaların və vətəndaş cəmiyyəti institutlarının münasibət bildirməsini diqtə edir. 
Təəssüf ki, burda da vəziyyət ürəkaçan deyil.  Digər bir məsələ isə bu gün ölkəmiz üçün həyati əhəmiyyət kəsb edən Türkiyə ilə hərbi müttəfiqlik haqqında müqavilənin imzalanmasının gecikdirilməsidir. 
Burda da vəziyyət acınacaqlıdır: iki ölkə arasında hərbi tərəfdaşlığının açıq şəkildə sabotaj olunduğu görünür.
Rusiya isə Ermənistanı yeni müharibəyə hazırlayır. Bir saat yarım ərzində rus qoşunlarını Azərbaycana gətirənlər ayyarımdır Türkiyə ilə hərbi tərəfdaşlığı qura bilmirlər.
Ermənistanın baş naziri Nikol Paşinyan isə bildirib ki, Azərbaycan Sünik (Zəngəzur) bölgəsinə qarşı təcavüzə əl atsa təkcə Ermənistanın deyil, Rusiyanın da hərbi təpkisi ilə üzləşəcək.
Beləliklə, Ermənistan artıq təkcə yeni hərbi qarşıdurmanın ünvanı göstərməklə kifayətlənməyərək Rusiyanın da həmin qarşıdurmada iştirak edəcəyinin anonsunu verir. Bunu da o, heç vaxt Kremlin xeyir-duası olmadan edə bilməz. 
Belə şəraitdə Azərbaycanın manevr imkanları məhdudlaşır və indi ata biləcəyimiz 3 mühüm addım var:
1. Azərbaycan ordusunun mövqelərinə hücum edən erməni təxribatçı dəstələrinin əsir görürülmədən məhv edilməsi;
2. Rusiya qoşunlarının Azərbaycan ərazisindən çıxarılması tələblərinin gücləndirilməsi;
3. Azərbaycanla Türkiyə arasında geniş hərbi tərəfdaşlığın sürətləndirilməsinin tələb olunması.
Birincini Azərbaycan ordusu, ikinci və üçüncünü isə Azərbaycan xalqı etməlidir. Hər üç addım da sinxron şəkildə atılmalıdır. Bu məsələdə bizə müharibə dövründə olduğu kimi xalq-ordu birliyi lazımdır. Çünki müharibə hələ də davam edir”.

Oxşar xəbərlər

Yerevanda anti-Rusiya kampaniyası genişlənir
Ermənistanı bütün təşkilatlardan rədd edək - Rusiya merindən şok açıqlama
“Əməliyyatlar başlasa, ordumuz İrəvana qədər irəliləyəcək”
“Düşməndən qənimət götürdüyümüz texnikaların nümayişi Rusiyaya pis təsir edib”
Separatçıların fantaziyaları və Bakının susqunluğu
Rus sülhməramlıların Qarabağda xəritə oyunu...
"Hadrutda baş verənlər yenidən təkrarlana bilər" - Ekspert
Milli Qəhrəmanlar: “Müharibəyə çağırış çoxdan olmalı idi”
"Belə fikirlər var ki, guya Rusiya torpaqlarımızı işğaldan azad etməyə mane olacaq, ancaq..."
Rusiya televiziyasının Azərbaycana qarşı növbəti qarayaxması - VİDEO
Şuşa-Laçın magistralında Ermənistanın müqavimət şansı sıfıra bərabərdir - Ukrayna KİV
10 minlik ordu Ermənistana girəcəkdi... - Xlopotov
Zəngəzur və Qafan Azərbaycana veriləcəkmi?
Bu, işğal siyasətinə dəstək deməkdir - Çavuşoğlu
Ermənistanda etirazçılar Rusiyanı xəyanətdə ittiham edir - VİDEO
Ordu ilə bağlı sabotajları kim idarə edir? - Nəcməddin Sadıqov getdi, amma...
Ermənistanı dəstəkləyən fransız kimdir? - Açıqlama
Paşinyanın yalanlarını ifşa edən rəsmi rəqəmlər
“Rusiya prezidenti açıq şəkildə deyir ki...” – Politoloq
Azərbaycandakı F-16-lar haqda daha bir açıqlama
Ermənilər Rusiyanı günahlandırır - Video
"AŞPA elə bil, erməni diasporalarının sifarişini yerinə yetirir"
Azərbaycanda toylar belə keçiriləcək - Açıq hava, 80 qonaq...
Ermənistan Türkiyə ordusu ilə döyüşə girir - TƏFƏRRÜAT
Saakaşvili Qarabağ müharibəsindən danışdı: “Rusiya Ermənistanı “suya qoyub” axıtdı” - Video
"Sorosçular" Qarabağda Rusiyaya qarşı - Klanda YENİ PARÇALANMA
Çaylı kəndi niyə rusların nəzarətinə keçdi?
“Türkiyə təcili müdaxilə etməlidir” – Qarabağda son durum
Ermənistana "müharibə" əmri verilib — Azərbaycan terrorçularla savaşacaq
Tallindəki İslam Mərkəzinə qarşı təxribat törədilib