"Mixeil Saakaşvilinin bu ölkəyə yüksək vəzifəyə təyin olunması səbəbindən Gürcüstan Ukrayna ilə diplomatik əlaqələrini kəsməyəcək".
Gürcüstanın Baş naziri Georgi Qaxariya belə deyib.
"Lakin onun avantürasından müdafiə olunmaq üçün taktika hazırlayır", - Qaxariya əlavə edib.
Qeyd edək ki, eks-prezident Mixeil Saakaşvilinin Ukrayna Milli İslahatlar Şurasının sədri seçilməsinə etiraz olaraq, Gürcüstan hökuməti Ukraynadakı səfiri Teymuraz Şaraşenidzeni məsləhətləşmələr aparmaq üçün geri çağırıb.
"Ayrı-ayrı məsuliyyətsiz siyasətçilərə üzündən strateji tərəfdaşlığımızı, ölkələrimizin və xalqlarımızın qardaşlığını şübhə altına atmayacağıq. Səfiri geri çağırsaq da, bu, diplomatik münasibətlərin və ya strateji tərəfdaşlığın sual altına düşməsi demək deyil. Səfirimizi yalnız münasibətlərimizi avantüristlərdən necə qorumaq mövzusunda məsləhətləşmələr aparmaq üçün geri çağırmışıq”, - deyə Gürcüstanın Baş naziri bəyan edib.
Bununla yanaşı, Qaxariya Saakaşvilinin Gürcüstanın daxili işlərinə müdaxilə etməsindən qorxduğunu açıq şəkildə bildirib. Baş nazir bunun baş verməyəcəyinə dair Ukrayna tərəfdən zəmanət almaq istəyir.