Azərbaycan-İran sərhədində silahlı İNSİDENT - FOTO
16-06-2021, 13:13
48

Azərbaycan-İran sərhədində silahlı İNSİDENT - FOTO

Azərbaycan Respublikasının Dövlət Sərhəd Xidmətinin (DSX) əməkdaşlarının həyata keçirdiyi əməliyyatlar nə­ti­cəsində cari ilin 14 iyun tarixində ümumi çəkisi 154 kiloqram 500 qram narkotik və psixotrop vasitələrə bənzər maddələrin İran İslam Res­pub­lika­sından Azərbaycan Respublikasına keçirilməsinin qarşısı alınıb.
DSX-nin Mətbuat Mərkəzindən bildirilib ki, iyunun 14-ü saat 03:00 radələrində DSX Sərhəd Qoşunlarının “Horadiz” sərhəd dəstəsinin Cəbrayıl rayonu Mahmudlu kəndi yaxınlığında yerləşən sərhəd zastavasının ərazisində içə­risində 1 nəfər olan “Ford” markalı 99-ZL-240 dövlət nömrə nişanlı avto­mobilin əraziyə ya­xın­laş­ması, avtomo­bil­dəki şəxsin düşərək özünü şübhəli aparması sər­həd narya­dı­nın diqqətini cəlb edib.
Şübhəli şəxs sərhəd nar­yadının “Dayan” əmrinə tabe olmayaraq əra­zidən uzaqlaşmağa cəhd göstərib, onun avtomobili təqib olunaraq Cəb­ra­yıl rayonunun Cocuq Mərcanlı kəndi ərazisində saxlanılıb. Ağstafa ra­yon sakini, 1993-cü il təvəllüdlü Musayev Samir Nəcəf oğlu olması müəyyən­ləşdirilmiş şəxsin idarə etdiyi avtomobilə baxış keçirilərkən 5 ədəd idman çantasının içərisində təxmini çəkisi 111 kiloqram 900 qram narkotik və psixotrop vasitəyə (70 kiloqram 120 qram heroin, 12 kiloqram 100 qram marixuana, 12 kiloqram 30 qram metamfetamin, 300 qram tiryək, 17 kiloqram 350 qram 4060 ədəd Metadon M-40 həbi və 2 ədəd 200 ml şüşədə narkotik tərkibli maye) bənzər maddələr aşkar olunaraq götürülüb.
Narkotik maddələrin sifarişçilərinin müəyyənləşdirilməsi məqsədilə Baş Prokurorluğun və Daxili İşlər Nazirliyinin əməkdaşları ilə birgə keçirilən əməliyyat-axtarış tədbirləri nəticə­sində Göygöl rayonu ərazisində həmin rayon sakini, 1996-cı il təvəllüdlü Abdullayev Anar Elman oğlu saxlanılaraq istintaqa cəlb edilib.
Eyni tarixdə saat 05:55 radələrində DSX-nin Sərhəd Qo­şunlarının “Göy­təpə” sərhəd dəstə­si­nin Cəlilabad rayonu Məlikqasımlı kəndi yaxın­lığın­dakı sərhəd zasta­va­sı­nın xidməti ərazisində sərhəd naryadı tərə­fin­dən 1 nəfər naməlum şəxsin İran İslam Respublikasından Azərbay­can Respublikası istiqa­mətində döv­lət sərhədini pozması müşahidə olunub.
Sərhəd zastavası “Silaha” komandası üzrə qaldırılıb, xid­məti əra­zi qapadıl­ıb. Sərhəd naryadı tərəfindən “Dayan” əmrinin verilməsinə və ha­vaya xəbərdarlıq atəşi açılmasına baxmayaraq, sərhəd pozu­cusu əmrə tabe olmayaraq silahlı müqavimət göstərərkən sərhəd naryadı tərəfindən “Dövlət sərhədi haqqında” Azərbaycan Respublikası Qanununun tələblərinə tam uyğun olaraq silah tətbiq olun­ub və cinayətkar zərərsizləşdirilib. Ha­disə baş verən əraziyə baxış zamanı 2 ədəd çantanın içərisində təxmini çəkisi 42 kiloqram 600 qram narkotik və psixotrop vasitəyə (24 kiloqram 848 qram heroin, 9 kiloqram 250 qram metamfetamin, 2 kiloqram 70 qram marixuana, 3 kiloqram 310 qram həşiş qətranı, 3 kiloqram 122 qram 5020 ədəd Metodon-40 həbləri) bənzər maddələrvə külli miqdarda xarici valyuta - 11500 ABŞ dolları aşkarlanıb.
Faktla bağlı İran İslam Respublikası tərəfi dərhal məlumatlandırılıb, müqabil tərəfin sər­həd nümayəndəsinin və Azərbaycan Respublikasının prokurorluq orqan­la­rı­nın əmək­daşlarının iştirakı ilə hadisə yerinə baxış keçi­rilərkən İran və­tən­­da­şı Behnam İlhami olması müəyyən edilən sərhəd pozucusunun üzə­rindən sərhəd naryadına qarşı tətbiq etdiyi PM markalı tapança götürül­üb.
Hər iki fakt üzrə zəruri əməliyyat-istintaq hə­rə­kət­ləri davam etdirilir.
Azərbaycan-İran sərhədində silahlıİNSİDENT - FOTO

Azərbaycan-İran sərhədində silahlıİNSİDENT - FOTO

Azərbaycan-İran sərhədində silahlıİNSİDENT - FOTO

Azərbaycan-İran sərhədində silahlıİNSİDENT - FOTO

Oxşar xəbərlər

DSX, DİN və DTX əməliyyat keçirdi, saxlanılan var
İranla sərhəddə əməliyyat: Saxlanılan var
Sərhəddə əməliyyat - 45 kq narkotikin ölkəyə keçirilməsinin qarşısı alındı - FOTO
DSX-dən ƏMƏLİYYAT: Saxlanılanlar var - FOTOLAR
DSX-dən sərhəddə ƏMƏLİYYAT: Saxlanılanlar var - FOTO
DSX-dən əməliyyat: Üç nəfər tutuldu - FOTO
Dövlət sərhədini pozmağa cəhd edən şəxs tutuldu - FOTOLAR
Azərbaycan-İran sərhədində gərginlik: sərhədpozuculara atəş açıldı
Azərbaycan-İran sərhədində silahlı insident: Dörd nəfər ələ keçdi - FOTO
Gürcüstandan ölkəyə narkotik keçirilməyə cəhd edildi - FOTO
DSX-dən ƏMƏLİYYAT: Saxlanılanlar var
İrandan Azərbaycana 84 kq narkotik vasitənin keçirilməsinin qarşısı alınıb - Foto
Azərbaycanın dövlət sərhədini pozan iki nəfər saxlanılıb
Sərhədi pozmaq istəyən şəxsdə narkotik maddələr aşkarlandı
İran-Azərbaycan sərhədində atışma: ölən var
İranla sərhəddə atışma - İki hərbçimiz həlak oldu
Şəhidimizlə vida mərasimi keçirilir
Daxili Qoşunların əməkdaşları sərhədçilərimizi öldürən iranlını dağda zərərsizləşdirdi
Zəngilanda sərhəd zastavasının açılışı oldu
Sərhəddə içərisində narkotik vasitələr olan bağlama aşkarlandı
İşğaldan azad edilmiş sərhəd zastavalarında Azərbaycan bayrağı ucaldılıb
İrandan Azərbaycana narkotik keçirmək istəyən şəxslər saxlanıldı
SON Dəqiqə: Ermənilər Qazaxda atəşkəsi pozdu
Sərhədçiləri öldürən şəxslərdən biri saxlanıldı
Sərhəddəki insidentlə bağlı cinayət işi açıldı - RƏSMİ
Kamran Əliyevdən sərhəddə şəhid olanlarla bağlı GÖSTƏRİŞ
Azərbaycana narkotik keçirilməsinin qarşısı alındı
DSX və DİN-dən birgə ƏMƏLİYYAT
Dövlət sərhədinin pozulması nəticəsində şəhid olan gizir Qubada dəfn edildi - FOTO
Ermənistanla sərhədin bir addımlığında... - VİDEO