Ukrayna hökuməti Prezident Aleksandr Lukaşenkonun oğlu Viktor da daxil olmaqla 52 Belarus rəsmisinə qarşı şəxsi sanksiyaların tətbiq olunmasını təklif edib.
"Reuters" xəbər verir ki, buna səbəb olaraq Belarus rəsmilərinin 2020-ci il prezident seçkilərinin nəticələrini saxtalaşdırması və insan haqlarını pozması göstərilib. Sanksiyalar barədə hökumət tərəfindən irəli sürülən təklif Prezident Vladimir Zelenskinin təhlükəsizlik və Müdafiə Şurasına təqdim edilib.  Əgər Şura qərarı təsdiq edərsə, Prezidentin fərmanı ilə qüvvəyə minəcək.
Bildirək ki, qərarda hədəf alınanlar, demək olar ki, Daxili İşlər Nazirliyi, Dövlət Təhlükəsizlik Komitəsi, Baş Prokurorluq və Mərkəzi Seçki Komissiyasının keçmiş və indiki rəhbərləri, prezidentin müşavirləri və köməkçiləridir.