Əfqanıstanda hakimiyyəti ələ keçirmiş “Taliban” hərəkatı ölkədə ictimai yerlərdə musiqini qadağan etməyə hazırlaşır.
Bu barədə “The New York Times” qəzetinə müsahibəsində hərəkatın rəsmi nümayəndəsi Zəbihulla Mücahid bildirib.
O, İslamda musiqinin qadağan olunduğunu əsas gətirib.
“Ümid edirik ki, bunu təzyiq yolu ilə deyil, əhalini inandırmaqla nail ola biləcəyik”, - deyə "Taliban"ın mətbuat katibi əvəzi Z. Mücahid bildirib.