Mərakeşdə koronavirusla mübarizə çərçivəsində 2021-ci il dekabrın 31-dən 2022-ci il yanvarın 1-nə keçən gecə bir sıra məhdudiyyətlər tətbiq olunacaq.

Bu barədə yerli hökumətin qəbul etdiyi qərarda bildirilir.


Qərara əsasən, dekabrın 31-də ölkədə bütün restoran və kafelər saat 23:30-da bağlanacaq. 

Yenil il gecəsi, həmçinin, otellərdə və turizm müəssisələrində də şənliklərin, xüsusi proqramların təşkilinə qadağa qoyulacaq.

Yanvarın 1-də isə saat 00:00-dan 06:00-a kimi komendant saatı qüvvədə olacaq.

Qeyd edək ki, Mərakeş səlahiyyətliləri pandemiyaya qarşı mübarizə və vətəndaşların sağlamlığının qorunması məqsədilə, xüsusən də Omicron ştamının Avropa və Afrikada sürətlə yayılması səbəbindən 31 dekabr 2021-ci il tarixinədək bütün birbaşa sərnişin reyslərini dayandırıb.