"Polşa 10 min yaralı ukraynalı əsgəri müalicə etməyə hazırdır".
Bu sözləri Polşanın baş naziri Mateuş Moravetski Ukraynanın Lvov şəhərinə səfəri zamanı deyib.
"Ukraynadan gələn bütün yaralı əsgərlərin müalicəsi üçün əlimizdən gələni edəcəyik. Ümid edirəm ki, müharibə belə dəhşətli nəticə verməyəcək, lakin lazım gələrsə, ən azı 10 min əsgəri qəbul etməyə hazırıq. Xəstəxanalarımız buna hazırdır. Qoy hər kəs sağlamlığına qovuşsun", - deyə o, ifadə edib.  
Baş nazir Moravetskinin Lvovda evsiz ukraynalılar üçün konteyner evləri şəhərciyinin açılışında iştirak edəcəyi də bildirilib.