Mariupolda "Azovstal” zavodundan təxliyə edilən ukraynalı xəsarət almış hərbçilər rusiyalı əsirlərlə dəyişdiriləcək.
Bu barədə Ukrayna Baş nazirinin müavini, reinteqrasiya naziri İrina Vereşuk teleqram səhifəsində yazıb.
Onun sözlərinə görə, ötən gün zavoddan ağır yaralanmış 52 ukraynalı hərbçi təxliyə edilib. Vereşuk vurğulayıb ki, onların vəziyyəti stabilləşdikdən sonra rusiyalı əsirlərlə mübadilə ediləcəklər.
Ukrayna Baş nazirinin müavini humanitar əməliyyatın növbəti mərhələləri üzərində çalışdıqlarını bildirib.