Türkiyəli müğənni İbrahim Tatlısəsin qalmaqal yaşadığı oğlu Ahmet Tatlısəs atasının qəyyumluğunu almaq üçün məhkəməyə müraciət edib.

Axsam.az xəbər verir ki, buna səbəb isə sənətçinin oğlu barədə "silahla vurulduğum gün şirkətin kassasındakı pullarımı götürmüşdü" deyə, açıqlama verməsi olub. 

A.Tatlısəsin vəkili məsələ barədə bunları bildirib:

"Ahmet Tatlısəs atası tərəfindən söylənən haqsız ittihamlar nəticəsində ailədən olmayan şəxslərin onu pis niyyətlə yönləndirdiyini, İ.Tatlısəsin isə vəziyyəti dərk edə bilmədiyini düşünür. Onun əldə etdiyi qazancları, maddi və mənəvi mənafeyini qorumaq məqsədiylə qəyyumluğunu tələb edib".