Rusiya Aerokosmik Qüvvələri ilk modernləşdirilmiş "Su-34M" çoxməqsədli bombardmançı təyyarələrini alıb. 
Bu barədə iyulun 4-də Rusiya Federasiyasının Müdafiə Nazirliyi məlumat yayıb.
Departamentin məlumatına görə, ilk təkmilləşdirilmiş "Su-34M"lər ötən ilin sonunda Xabarovsk diyarında yerləşdirilən Şərq Hərbi Dairəsinin Hərbi Hava Qüvvələri və Hava Hücumundan Müdafiə Ordusunun bombardmançı bölməsinə daxil olub. 
Bildirilir ki, hazırda təyyarələr istismara verilib və pilotlar tərəfindən təlim uçuşları üçün təyinatı üzrə istifadə olunur.