Rusiyanın dövlət enerji nəhəngi “Qazprom”la sıx əlaqələri olan rusiyalı iş adamı Yuri Voronov Sankt-Peterburqda dəbdəbəli evinin hovuzunda ölü tapılıb.
Şəhər polisi 61 yaşlı Voronov güllələnərək öldürüldüyünü açıqlayıb. 

Həyat yoldaşı Voronovun son vaxtlar şərikləri ilə problem yaşadığını və külli miqdarda pul itirdikdən sonra çox içməyə başladığını bildirib.
Qeyd edək ki, "Astra Shipping" şirkətinin direktoru və Arktika regionunda "Qazprom"la işləyən Voronov son vaxtlar Rusiyanın enerji sənayesində müəmmalı şəkildə ölən beşinci şəxsdir.
Onun ölümü ilə bağlı cinayət işi açılıb.  Araşdırmalar aparılır.