Ukrayna cəmiyyəti beş ay davam edən amansız bombardmanlardan sonra diktatorla danışıqlara hazır olmadığından danışıqlar hələlik qeyri-mümkündür.

Bunu Zleneski "The Wall Street Journal”a  müsahibəsində deyib.  
Ukrayna lideri vurğulayıb ki, Moskva diplomatik danışıqlar yolu ilə getməkdən imtina edib, Putin isə üç il ərzində mənim telefon zənglərimə cavab belə  verməyib.


"O, danışmadan (Putinin danışıqlar aparmadan Ukraynanı işğal edilməsi nəzərdə tutulur-red) bura gəldi, insanları öldürdü, 12 milyonu köçkün vəziyyətə düşdü, indi də deyir ki, Ukrayna danışıqlar aparmaq istəmir. Sadəcə insanları öldürürlər, şəhərləri dağıdırlar, sonra da deyirlər: "Gəlin danışıqlar aparaq”. Onlar kiminlə danışıq apara bilər? Daşlarlamı? Onlar  əllərini qana bulayıblar və bu qanı yumaq olmaz. Biz imkan verməyəcəyik ki, onu yuyub aparsınlar”, - Zelenski  bildirib. 

Zelenski əlavə edib ki, Ukrayna cəmiyyəti indi də təcavüzkarla danışıqlara hazır deyil.

"Cəmiyyət hesab edir ki, əvvəlcə bütün ərazilər azad edilməlidir, ondan sonra nə edəcəyimizi və gələcək əsrlərdə necə yaşayacağımızı razılaşdırmaq mümkün olacaq. Xalqımız əmindir ki, biz bunu edə bilərik. Bunu nə qədər tez etsək, bir o qədər də yaxşı olar, daha az adam öləcək”, -o əlavə edib.

Zelenski etiraf edib ki, Ukrayna məmnuniyyətlə öz ərazilərini işğaldan azad etmək üçün qeyri-hərbi yolu seçərdi, lakin "biz kiminlə  nə iş gördüyümüzü yaxşı bilirik”. Onların sımaları yırtılmayanadək heç nə başa düşməyəcəklər”, - Zelenski deyib./olke