Rusiya Hesablama Palatasının sədri Aleksey Kudrin tutduğu vəzifədən istefa verib.
O, bu barədə sosial şəbəkə hesabında paylaşım edib.
“Ümumilikdə 25 ilə yaxın dövlət sektorunda çalışmışam. İndi mən geniş mənada özəl təşəbbüslərin inkişafı ilə bağlı olan, eyni zamanda insanlara ciddi təsir göstərən iri layihələr üzərində dayanmaq istərdim. Ona görə də Hesablama Palatasının sədri vəzifəsindən gedirəm. Bu barədə müəyyən edilmiş qaydada Rusiya Federasiyasının Prezidentinə müvafiq ərizə təqdim etmişəm”, - paylaşımda bildirilib.
Qeyd edək ki, ekspertlər Kudrini çox vaxt Rusiya Prezidenti Vladimir Putinin ən yaxın çevrəsində olan insan və siyasətçi adlandırırlar.