“Çoxtərəfli əməkdaşlığı müzakirə etmək üçün Kiyevə qayıtdım. Qoy 2023-cü il qələbə və sülh ili olsun”,
Bunu Avropa İttifaqının yüksək vəzifəli rəsmisi Twitter-də yazıb.
Avropa İttifaqı Şurasının prezidenti Çarlz Mişel Avropa İttifaqının Ukraynaya gələcək yardımını müzakirə etmək üçün Kiyevə gedib.
Dünən Mişel bəyan edib ki, o, şəxsən Qərbin Kiyevə tank verməsinin tərəfdarıdır. Son həftələrdə Avropa İttifaqı Kiyevə 18 milyard avro maliyyə yardımı göstərmək barədə qərar qəbul edib, həmçinin alman Leopard tanklarının Ukraynaya ötürülən silahlar siyahısına salınması məsələsini də müzakirə edir.
“The Wall Street Journal” Almaniya hökumətindəki mənbələrinə istinadən bu gün yazıb ki, Berlin ABŞ öz döyüş tanklarını Kiyevə tədarük etmək qərarını təsdiqləməyincə müttəfiqlərinin Ukraynaya alman istehsalı olan tanklar göndərməsinə icazə verməyəcək.