Danimarkada qadınlara hərbi xidmətin məcburi olması təklif edilib.
 
Xarici medianın məlumatına görə, Danimarka baş nazirinin müavini və müdafiə naziri Ceykob Elleman-Censen ordunun potensialını artırmaq məqsədilə qadınlar üçün hərbi xidmətin icbari edilməsi planını açıqlayıb.
O, qadınların silahlı qüvvələrə daxil edilməsinin ölkənin NATO tələblərini yerinə yetirməsinə kömək edəcəyini, qadınların olması isə ordu üçün “faydalı” olacağını deyib.
Hazırda Danimarkada qadınlar könüllü olaraq orduya qatıla bilər, kişilər isə lotereya sistemi ilə çağırıldığı təqdirdə qanuni olaraq maksimum 4 ay xidmət edirlər.