SpaceX və Tesla şirkətlərinin qurucusu milyarder İlon Mask Amerika Birləşmiş Ştatlarında özü və şirkətlərinin işçiləri üçün şəhər salır. 
Mask tikinti üçün Texas ştatında bir neçə otlaq sahəsi alıb.
"Şəhərin Kolorado çayı boyunca salınması planlaşdırılır ki, o, Texasda tikilən və Maska məxsus obyektlərlə birbaşa bitişik olacaq. 2020-ci ildə şirkətlərin təsisçisi Ostin yaxınlığında Tesla zavodunun tikintisinə başlayıb. SpaceX onun tikintisini davam etdirir. Qonşu Bastrop qraflığında da öz obyekti var", - məlumatda deyilir. 
Gələcək şəhərin girişində artıq "Snailbrook-a xoş gəlmisiniz" sözləri yazılmış lövhələr var. Ümumilikdə Mask ən azı 110 yaşayış binası tikməyi planlaşdırır.