Rusiyalı qastroenteroloq Valeriya Lomova qaraciyərin sağlamlığına mənfi təsir göstərə bilən ən zərərli məhsulları açıqlayıb.
Siyahıya spirtli içkilər başçılıq edirlər.
“Bu gün alkoqol qaraciyər üçün ən zərərli məhsul kimi tanınır. Alkoqolun bir hissəsi olan etanol birbaşa qaraciyər hüceyrələrini zədələyir, fibroza səbəb olur və bu, sonradan sirroza çevrilə bilər”, - deyə həkim bildirib.
O, yağlı yeməklərdən qaçmağı da məsləhət görüb.
“Həmçinin tez-tez yağlı ət yemək tövsiyə edilmir. Quzu, donuz əti, qaz və ördək yüksək yağ tərkibinə malikdir, bu da qaraciyərdə yığılaraq onun piylənməsinə səbəb olur. Belə halda toyuq, dana və hinduşka ətinə üstünlük vermək daha yaxşıdır”, - mütəxəssis vurğulayıb.
Onun sözlərinə görə, qaraciyər üçün zərərli qidalar siyahısına həmçinin yağlı, ədviyyatlı, turşulu, hazır yeməklər, çox miqdarda duz və şəkər olan qidalar, boyalar, dadlandırıcılar daxildir.
“Həddindən artıq duz qəbulu mayeni orqanizmdə ləngidir və qaraciyər hüceyrələrinə - hepatositlərə zərər verir. Duz qəbulu norması gündə beş qramdan çox deyil. Şəkər isə qaraciyərdə yağ yığılmasına səbəb olan steatoza gətirib çıxara bilər”, - Lomova qeyd edib.
Mənbə: moslenta.ru