İran Yunanıstanın paytaxtı Afinada daha çox yəhudi icmalarının iştirak etdiyi restoran və sinaqoqa hücum planı ilə əlaqəsi olduğu iddialarını rədd edib.
 
Xarici medianın məlumatına görə, İranın Afinadakı səfirliyi Twitter hesabında bildirib ki, “İran sionist mənbələrin yaydığı şayiələri və İrana qarşı əsassız ittihamları qətiyyətlə rədd edir”.
İsraildə hökumətə qarşı geniş miqyaslı etirazlara işarə edilən açıqlamada, “Uyduqları ssenarilərlə, ictimaiyyəti içində olduqları daxili böhrandan yayındırmağı hədəfləyirlər” ifadəsi işlədilib.