Böyük Britaniyanın baş naziri Rişi Sunak ABŞ-yə iki günlük səfər edib.
Bu barədə Böyük Britaniya baş nazirinin ofisi məlumat yayıb. 
Rişi Sunak ABŞ prezidenti Co Bayden, konqres üzvləri və aparıcı amerikalı iş adamları ilə görüşlər keçirəcək.
Britaniya hökumətinin mesajında həmçinin bildirilir ki, Amerika şirkətləri Britaniyaya 14 milyard funt sterlinqdən (17,4 milyard dollar) çox yeni sərmayə qoyublar. İki ölkə arasında ticarət əməkdaşlığı ildə 279 milyard funta çatır.