Cəmi 657 x 222 x 700 mikron ölçüsündə miniatür əl çantası onlayn hərraca çıxarılıb.
Xarici media xəbər verir ki, MSCHF markasının “Microscopic Handbag” adlandırdığı bu aksesuar hərracda 63 min dollara satılıb. Şirkət əməkdaşlarının sözlərinə görə, çanta iynənin gözündən keçəcək qədər ensiz və dəniz duzundan kiçikdir.
Əşya iki fotonlu polimerləşmədən, mikro miqyaslı plastik hissələrin 3D çapı üçün istifadə edilən istehsal texnikasından istifadə etməklə istehsal olunub.
Satışı amerikalı musiqiçi, prodüser və dizayner Farrel Uillyams tərəfindən təsis edilmiş Joopiter auksion evi keçirib.