Polis əməliyyat keçirdi - Saxlanılanlar var + VİDEO
16-04-2021, 14:51
53

Polis əməliyyat keçirdi - Saxlanılanlar var + VİDEO

Daxili İşlər Nazirliyinin (DİN) əməkdaşları tərəfindən narkotik vasitə və psixotrop tərkibli dərmanların ölkə ərazisində yayılmasının qarşının alınması istiqamətində mübarizə tədbirləri davam etdirilir.
DİN-in mətbuat xidmətindən verilən xəbərə görə, nazirliyin Baş Narkotiklərlə Mübarizə İdarəsinin əməkdaşları tərəfindən əldə edilən əməliyyat məlumatı əsasında həyata keçirilən tədbir nəticəsində narkotik vasitələrin qanunsuz dövriyyəsində şübhəli bilinən vətəndaş Orxan Səfərov saxlanılıb.
Ondan 1 kiloqramdan artıq heroin, 103 qram metamfetamin, eləcə də,  narkotik vasitələrin onlayn satışı zamanı istifadə etdiyi 1 ədəd plastik kart götürülüb. Əməliyyat tədbirlərinin davamı olaraq Orxan Səfərovun paytaxt ərazisində yaşadığı evə baxış keçirən polislər oradan 29 kiloqram heroin, 5 kiloqram metamfetamin, 453 ədəd “Metadon” həbi, 2 ədəd elektron tərəzi və narkotik vasitələrin satışından əldə etdiyi pul vəsaitləri aşkar edərək götürüblər. Saxlanılan şəxs izahatında narkotik vasitəni xarici ölkələrdən birinin vətəndaşından satmaq məqsədi ilə əldə etdiyini və onunla yalnız sosial şəbəkələr vasitəsi ilə əlaqə saxladığını bildirib.
Baş İdarə əməkdaşları tərəfindən Sumqayıt şəhərində həyata keçirilən əməliyyat zamanı vətəndaş Tural Məmmədov saxlanılıb. Onun üzərinə baxış zamanı 200 qrama yaxın heroin və metamfetamin aşkar edilib. Daha sonra saxlanılan şəxsin yaşadığı evdə də külli miqdarda narkotik vasitələr gizlətdiyi müəyyən edilib. Polis əməkdaşları onun Sumqayıt şəhərindəki mənzilindən  əlavə olaraq 5 kiloqram heroin, 3 kiloqram marixuana, 10 kiloqram metamfetamin, 6000 ədəd satışı qadağan olunan psixotrop tərkibli “Tramadol” və 9510 ədəd “Metadon” həbi, eləcə də, 1 ədəd elektron tərəzi aşkar edərək götürüblər.
Narkotik vasitələrin qanunsuz dövriyyəsinə qarşı keçirilən daha bir əməliyyat tədbiri zamanı isə Abşeron rayonunda yaşayan Afiq Əliyev saxlanılıb. Saxlanılan zaman onun üzərindən 9 kiloqrama yaxın tiryək, 510 qram heroin və 1 kiloqram marixuana aşkar olunub.
Qeyd edək ki, bu şəxs xarici ölkələrdən birinin vətəndaşından əldə etdiyi narkotik vasitələri  satış məqsədi ilə paytaxt, eləcə də ayrı-ayrı rayonların ərazisində əvvəlcədən müəyyən edilən ünvanlara yerləşdirməli imiş.
Baş İdarənin əməkdaşlarının həyata keçirdikləri növbəti əməliyyat zamanı isə vətəndaş Musəvi Musayev də narkotik vasitələrin satışında şübhəli bilindiyi üçün saxlanılıb. Onun üzərindən 4 qram heroin, təmir işləri ilə məşğul olduğu Sabunçu rayonunda yerləşən obyektdə isə gizlətdiyi 1 kiloqram 371 qram heroin, 1 kiloqram 220 qram marixuana, 22 qram metamfetamin, ümumilikdə 495 ədəd ”Metadon” və “Metilin” həbləri, həmçinin,  2 ədəd elektron tərəzi aşkar edilərək götürülüb.
Bununla da Baş İdarə əməkdaşları tərəfindən keçirilən bu əməliyyatlar nəticəsində qanunsuz yollarla ölkə ərazisinə gətirilən yüksək təsiredici xassəyə malik ümumi çəkisi 68 kiloqrama yaxın narkotik vasitə və 16 min 458 ədəd psixotrop tərkibli həblərin realizə olunmasının qarşısı alınıb.
Qeyd edilən faktlarla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işləri başlanılıb və onlar tutularaq istintaqa cəlb olunublar. 
Cinayət işləri üzrə zəruri istintaq  və əməliyyat tədbirləri davam etdirilir.
 

Oxşar xəbərlər

Bakıda onlayn narkotik satanlar həbs edildi - VİDEO
DİN-dən ƏMƏLİYYAT: Narkotik satışı ilə məşğul olanlar saxlanıldı - VİDEO
Polisdən ƏMƏLİYYAT: SAXLANILAN VAR
DİN-dən ƏMƏLİYYAT: Saxlanılanlar var - VİDEO
Polis əməliyyat keçirdi - Video
Bakıda əməliyyat keçirildi - Saxlanılanlar var
DİN əməliyyat keçirdi - Video
Narkotik vasitə və psixotrop maddə dövriyyədən çıxarılıb
DİN-dən ƏMƏLİYYAT: Saxlanılanlar var - VİDEO
Polis əməliyyat keçirdi: Bakıda qadın narkotacir saxlanıldı
DİN-dən ƏMƏLİYYAT: 75 kq narkotik vasitə aşkarlandı
Bakı sakinindən narkotik götürüldü
Polisdən narkotik əməliyyatı - 25 kq...
Polis əməliyyat keçirdi - saxlanılanlar var
Bakıda daha bir narkotacir saxlanıldı
Polis əməliyyat keçirdi - Külli miqdarda narkotik götürüldü
17 kiloqramdan çox narkotiki onlayn yolla satmaq istədilər
Biləsuvarda yerin altından narkotik və silah tapıldı
Bakıda mənzildən 4 kilodan çox narkotik tapıldı
Bakıda onlayn narkotik satan şəxslər saxlanıldı - VİDEO
Keçmiş məhkum yenə cinayət işlədi
Biləsuvarda 25 kiloqramdan artıq narkotik vasitə, psixatrop maddə və həblər aşkar edildi
Saatlıda əməliyyat keçirildi - Saxlanılan var
Son 6 gündə 110 kq-a yaxın narkotik dövriyyədən ÇIXARILIB
Lənkəran sakinindən narkotik götürüldü
DİN əməliyyat keçirdi - Külli miqdarda narkotik aşkarlandı
Saxta pul hazırlayanlar saxlanıldı - FOTO
Bərdə sakinindən 8 kq-dan artıq narkotik götürüldü - FOTO
Polis Bakıda əməliyyat keçirdi: Saxlanılan var - VİDEO
Bakıda narkotik satan qadın saxlanıldı